2017年11月29日 星期三

【劇情率先睇】瞓身解救財困李國麟 夏雨被嫌棄難逃反目命運 __,夏雨,

台慶劇《溏心風暴3》喺前晚正式登場,因為今次又係合拍劇嘅關係,於是乎大陸嘅觀眾可以率先睇咗頭10集嘅劇情,正所謂網絡世界冇界限,香港喺觀眾都可以睇埋一 ...




台慶劇《溏心風暴3》喺前晚正式登場,因為今次又係合拍劇嘅關係,於是乎大陸嘅觀眾可以率先睇咗頭10集嘅劇情,正所謂網絡世界冇界限,香港喺觀眾都可以睇埋一份。

喺第一集個模式好似係廣播劇嘅模式,去到第二集終於叫做有番啲戲睇,好似講吓點解夏雨成日叫李國麟做恩公,唔做夫妻變咗做姊弟嘅關菊英同阮兆祥,點樣利用人情打關係,有着數就乜嘢都算到盡,而且仲玩埋唱歌仔。喺頭兩集請完小鳳姐登場之後,去到第三集,話說夏雨決定參加奶茶王大賽,除咗菊姐同祥仔之外,食食吓飯突然間一家人起身唱《新紥師兄》首主題曲《伴我啟航》!

玩完唱歌仔,當夏雨知道恩公李國麟間公司陷入經濟危機,決定拎晒自己副身家幫佢,之後開始又有金句登場,好似夏雨勉勵李國麟話:「時不離兮,人有三衰六旺,天無絕人之路,過咗呢一關又係英雄好漢。」跟住夏雨知道原來對方係欠債46億,佢決定將自己嘅公司上市,再同李國麟間公司合併,大家又突然間要唱歌仔,今次又唱肥媽嘅《友誼之光》。

不過成件事只係得李國麟一個人感激夏雨嘅幫助,而佢老婆米雪、阿媽梁舜燕,仲有細佬李成昌同老婆莊思敏,都好嫌棄夏雨一家,覺得佢哋出身唔好,喺開公司大會嘅時候,莊思敏仲出言話李司棋同黑社會有關,雖然最終順利合併,不過兩個人因為價值觀嘅問題,埋下咗結怨嘅伏線。

更多娛聞,喺晒《娛果》

http://fb.com/appledailyent

(網上截圖) 菊姐同祥仔做姊弟。 (網上截圖) (網上截圖)
黃宗澤同李司棋做姊弟。 (網上截圖) (網上截圖) (網上截圖)
(網上截圖) (網上截圖) (網上截圖)
除咗金句,會唱歌仔。 (網上截圖) (網上截圖)

鍾意就快D Share啦!
Related Posts Plugin for WordPress, Blogger...