掃呢頁CODE去手機

2017年11月27日 星期一

球拍贈知己!李克勤獲李宗偉公開多謝 __,克勤,李克勤,

佢哋成日互棒大家場!歌手李克勤出咗名係超級足球迷,原來佢都鍾情羽毛球。今日舉行嘅「香港公開羽毛球錦標賽2017」男單決賽,,由中國諶龍對馬來西亞李宗偉 ...


佢哋成日互棒大家場!


歌手李克勤出咗名係超級足球迷,原來佢都鍾情羽毛球。今日舉行嘅「香港公開羽毛球錦標賽2017」男單決賽,,由中國諶龍對馬來西亞李宗偉。李克勤同老婆盧淑儀都有入場睇波,原來佢哋同李宗偉好老友,李宗偉賽後仲公開多謝克勤,送埋波衫同球拍畀佢,難怪克勤話勁開心。

原來佢哋已經相識咗幾年,舊年同前年李宗偉嚟香港比賽,克勤都有入場撐老友:「尋日我仲喺國內,今日特登返嚟,就係入場撐李宗偉,以及睇中國國家隊陳清晨同賈一凡比賽。我同宗偉係好朋友,唔只係香港,佢去日本我都有飛去捧場;到我去馬來西亞開演唱會,佢都有專登入場,之後會見面食飯。」

對於今場男單決賽,克勤話:「真係手掌係肉、手背又係肉,因為宗偉對手係國家隊嘅諶龍。呢場賽事睇得我好緊張,係一場好精彩嘅比賽。賽後宗偉送咗今場用嘅球拍同球衣畀我,真係好開心,佢係我心目中嘅球王。」


來源 source: http://hk.on.cc
鍾意就快D Share啦!