2018年1月1日 星期一

【賭場服侍VIP】超人之母認被「抽水」 賭客醒幾萬蚊貼士犯眾憎 __,超人,

「超人之母」羅子喬(Bella),今年30歲,在澳門出身長大,畢業後,在澳門賭場打工,09年加入娛樂圈,因為學過詠春、泰拳和形意拳,2015年被日本圓 ...




「超人之母」羅子喬(Bella),今年30歲,在澳門出身長大,畢業後,在澳門賭場打工,09年加入娛樂圈,因為學過詠春、泰拳和形意拳,2015年被日本圓谷製作公司選為「超人之母人間體」亞洲代言人。

——在澳門賭場打工?

Bella說:「我喺澳門出世,中六畢業後,我同大部份澳門人都一樣,想高人工,一定係入賭場。如果你努力嘅話,係可以好高人工,我哋有底薪,仲有貼士,客人鍾意你,你服務方面好,賭完贏錢咪俾多啲貼士你。」

「一開始入賭場做嘢,當時初出茅廬,去到一個好複雜嘅地方,乜嘢都唔識,剩係識傻笑,唔識擦鞋,討好人哋,所以後來同事都唔係好鍾意我。嗰陣又唔識埋堆,調咗我去一個冇乜需要對人嘅地方。我之前係做VIP service,當時就開始諗,我嘅人生係咪就係咁,返工放工,好無聊咁。」

在賭場做VIP服務員,Bella強調是幫客人訂機票、酒店、帶他們去賭場玩,負責安排行程,並非大家想像那種「唔正經工作」。但是,賭場客多數是男人,可試過被「抽水」?她說:「總有少少,但係唔多,因為我哋係直屬賭場,所以係正經啲。啲客人唔會好似私人VIP啲廳嗰種。」

同事不太喜歡自己,Bella回心一想,其實原因好簡單。「客人好鍾意我,可能我都係傻更更,唔係好識o氹人、擦鞋,可能咁樣係啲同事唔鍾意我嘅原因。」樣靚身材正,又得到客人歡心,Bella招來同事的妒忌:「係,好傻,有次係,有個客,醒咗幾萬蚊我,可能佢鍾意我,我又唔知,我同事可能係妒忌,但係我唔知。佢之後同我講,個客人輸得慘,你俾啲錢我,等我send番俾佢,我真係信,之後諗番,我點解會咁?」Bella的結論是:「初初出嚟做嘢,就係咁。」

在賭場這個品流複雜的地方,有冇遇到奇怪的客人?她說:「喺賭場生活,你鍾意嘅話,你可以搵到好多錢;唔鍾意嘅話,你會覺得嗰度係一個非常負能量嘅地方。對我嚟講,賭錢,十賭十輸,好多時候見到佢哋賭錢輸錢,都係脾氣唔好,或者鬧你、換你呀,話你黑住佢呀!好多時期係覺得太負能量,呢個係我好想試下其他行業嘅原因。」

服裝提供:Intimissimi

【minigame】2017瘋暈人物 返工打機唔使擇日

http://bit.ly/2CeWQkP

更多娛聞,喺晒《娛果》

http://fb.com/appledailyent

攝影:林德雄 「超人之母」羅子喬(Bella),今年30歲,09年加入娛樂圈。(資料圖片) 2015年被日本圓谷製作公司選為「超人之母人間體」亞洲代言人。(資料圖片)
羅子喬在澳門出身長大,畢業後,在澳門賭場打工。 在賭場做VIP服務員,Bella強調是幫客人訂機票、酒店、帶他們去賭場玩。 Bella:「喺賭場生活,你會覺得嗰度係一個非常負能量嘅地方。」

鍾意就快D Share啦!
Related Posts Plugin for WordPress, Blogger...