掃呢頁CODE去手機

2018年1月1日 星期一

鍾欣潼2018搶嫁期 火速生B __,

阿嬌(左)與阿Sa同時蜜運中,2018年會否齊齊傳出喜訊?
鍾欣潼2018搶嫁期火速生B蔡卓妍(阿Sa)和鍾欣潼(阿嬌)兩位好姊妹組成的Twins送別2017年迎接2018年來臨,過去一年Twins事業愛情大豐 ...


鍾欣潼2018搶嫁期 火速生B

蔡卓妍(阿Sa)和鍾欣潼(阿嬌)兩位好姊妹組成的Twins送別2017年迎接2018年來臨,過去一年Twins事業愛情大豐收,阿Sa與男友石恆聰感情穩定,渴望有兩星期長假歐遊,阿嬌與「醫界男神」賴弘國愛得甜蜜,阿嬌直言想當人妻兼生B!

踏入2018年Twins會繼續合體出發,去年兩人在演戲方面有很大得着,阿嬌到台灣拍攝偶像劇期間結識到男友賴弘國,她冧爆說:「呢啲緣分嚟嘛,緣分都攞咗返嚟。(2017年最大收穫?)賺到個男朋友囉。」旁邊阿Sa忍不住笑說:「咁你畀咗啲片酬我你都賺咗個男朋友咯。」阿嬌繼續放閃:「唔係遇到個男朋友咁簡單,係遇到一個對我好、又細心,真係關心我嘅人,唔係容易嘅。」阿Sa看來不及阿嬌Sweet?阿嬌即為阿Sa平反:「佢Sweet唔話你聽啫,佢Sweet到我想嘔呀,唔想睇到!」阿Sa則一直傻笑。

等賴弘國開口求婚

問到阿嬌新的一年可會結婚當人妻?阿嬌說:「但呢個唔係我決定,亦都唔係我出聲噃,呢啲嘢見到埋嚟就食啦。(有冇結婚呢個憧憬?)都有嘅,唔想40歲先生BB嘅,好辛苦,唉!暴露咗自己年齡添!(你仲有3年時間。)咁都要佗B(口既),可遇不可求。(好男人都畀你遇到,好快求到?)求子?……哈哈!」

同樣愛情得意的阿Sa,2018年最令她頭痛是如何爭取時間和男友石恆聰拍拖,已有四個劇本在手的她將年頭忙到年尾,想過二人世界都不容易,阿Sa說:「工作滿晒,反而好想去一次兩星期嘅旅行。(農曆新年你得5日大假?)我同Mani(經理人霍汶希)咪好似擸住把刀搶期咁囉,因為拍緊戲,都係去得5日,其實我想去幾個地方,去歐洲兩星期都差唔多啦,唔好嘥喇,都飛咗十幾個鐘。」

阿嬌希望結婚生B速戰速決,賴弘國收到未?
  • 阿嬌希望結婚生B速戰速決,賴弘國收到未?
鍾欣潼、賴弘國
  • 鍾欣潼、賴弘國

身體健康演戲突破

不過,阿Sa因聲帶受損困擾多時,希望新的一年能夠痊愈:「依家睇緊言語治療,因為受損期間繼續用把聲,變咗嗰個位同隔籬嘅肌肉有咗記憶,依家要搵另外一啲位發聲,相信都有排搞!」新一年阿Sa的願望首要是身體健康,另外一個目標是有份參與編劇的電影有好成績:「會原班人馬拍《原諒他77次》續集,因上集幾好成績,老闆都好開心,票房唔係最重要,口碑對我係最大收穫。」

剛踏入1月份,Twins已有3場巡唱進行,其中澳門站更是阿嬌生日前夕,阿Sa笑言:「嘩,成萬人一齊同你慶祝呀!」阿嬌直認喜歡兩人同台演唱,最為開心。今年她倆可會在電影上合體?二人同聲表示要先有好劇本,阿Sa說:「Twins畀人嘅感覺太深入民心,夾硬一齊拍,又係變番以前嗰啲戲。(要角色有突破?)唔係要好突破,只係唔想畀人感覺胡鬧,係真係認真去演戲!」

阿Sa(圖)與石恆聰只求有假期去旅行Sweet吓。
  • 阿Sa(圖)與石恆聰只求有假期去旅行Sweet吓。
石恆聰
  • 石恆聰
阿嬌當阿Sa係男朋友咁款,餵食都嗲過人。
  • 阿嬌當阿Sa係男朋友咁款,餵食都嗲過人。

攝:劉斌、林蔚恩

場地:如心銅鑼灣海景酒店

化妝:Yanne Lee@ndnco.co

髮型:@嬌 Keith Wong

@Sa Kate Shek

服裝:@嬌 Fur Coat: Alice & Olivia

Red Jumpsuit: Tibi from Lane Crawford

Acc: APM MONACO/SWAROVSKI/J.Crew

@Sa Red Valentino

文:音樂組






鍾意就快D Share啦!