2018年6月12日 星期二

陳展鵬:媽媽病情嚴重 展鵬:畀閃燈閃到好大件事 __,展鵬,陳展,陳展鵬,

陳展鵬話交吉已經做到足,對方唔滿意可以去報警。藝人陳展鵬被指提早退租及欠租,但展鵬有證據在手,逐點反擊!展鵬指母親第一次睇完樓時,表明入牆櫃用不着:「 ...


陳展鵬話交吉已經做到足,對方唔滿意可以去報警。


藝人陳展鵬被指提早退租及欠租,但展鵬有證據在手,逐點反擊!展鵬指母親第一次睇完樓時,表明入牆櫃用不着:「個業主話只要唔改動屋內個積,點改都得,簽咗租約入住後,啲櫃拆咗,全部冇油油!」而展鵬自己處理,之後屋內問題愈來愈多,又狂跳Fuse,業主又稱有問題可找他,但也沒有理會。

「佢可以報警」

展鵬指其母不想再理這個業主,原因是一個熱水爐,展鵬說:「媽咪老人家,洗碗要用溫水,但年頭4月入去住,拖到我要搵煤氣公司上嚟,6、7個月到,之後佢又話貴,佢自己搵師傅上嚟先裝。我真係成日唔喺香港,要交畀助手搞,專業人士都睇到,啲地板已變緊灰,都冇蠟喺度!全部片係我發畀佢,佢都冇處理,啲紙同布唔係專登要遮,係啲地板撬起晒,全部爛晒,我要搬屋嘛!交吉要影相,啲相係我影畀佢㗎!同埋佢話要嚟收鎖匙,我媽咪行又行唔到,要坐輪椅,講嘢又講唔到,我又唔喺香港,點搞?咪叫助手擺條鎖匙喺管理處,一時接洽唔到,我咪做到最好,但如果有問題,佢可以報警、去索償,做足手續咪得囉!」

展鵬又透露媽媽病重,他說:「大家WhatsApp度Settle咗,唔知點解咁樣!你要攞番一個月租,搞掂所有嘢咪OK囉!用法律途徑最好,咁耐以來,我陳展鵬唔鍾意解釋,但點解今次我要逐一講,我都希望某啲雜誌同報紙,你哋唔好探訪我媽咪,佢依家個病係好嚴重,你哋可以去律敦治醫院、法國醫院Check吓乜嘢事,佢一畀啲閃燈閃到就好大件事。」

冇爆過粗

問業主有否提出要賠償?展鵬謂:「冇所謂,我哋之前都傾過,傾完後佢係同意咗,件事處理咗,但唔知點解今日會有呢啲報道,我只希望盡快搞妥件事,我都搵咗律師處理!(業主有話你用粗口鬧過佢?)我係絕對冇用粗口同佢講過嘢!係之前整冷氣時我係有怒火,但我都即時話叫助手同佢講。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...