2018年6月12日 星期二

【Jackson數度落淚】薛家燕噏錯自己結婚 陳寶珠篤爆新奶奶恨抱孫 __,家燕,陳寶珠,薛家燕,

薛家燕二仔石耀庭(Jackson)今日小登科,娶新抱Zoe,今晚喺尖沙嘴洲際酒店舉行婚宴,擺咗53圍,喺眾賓客入座後,一對新人喺台上同賓客打招呼,然後 ...


薛家燕二仔石耀庭(Jackson)今日小登科,娶新抱Zoe,今晚喺尖沙嘴洲際酒店舉行婚宴,擺咗53圍,喺眾賓客入座後,一對新人喺台上同賓客打招呼,然後新郎攞住個手機嚟讀稿致辭,佢對住任職老師嘅老婆話:「能夠娶到係我福氣,呢一年嚟辛苦你又要返學,又要籌備婚禮,一定好辛苦,不過我哋經歷到,撐咗過去,我相信以後冇嘢難到我哋,多謝你愛錫我同保護我,我會永遠照顧你、保護你,俾你有最大嘅幸福!I Love You!」

Jackson數度因為感觸落淚而講唔到落去,Zoe就幫老公印眼淚,Jackson又感激外父外母、公公、婆婆咁辛苦養育一個咁靚、咁善良又細心嘅Zoe。Jackson又答謝媽咪,佢話:「我自細喺單親家庭長大,媽咪好辛苦帶住我哋三個仔女,佢好努力工作,多謝媽咪!」致辭完畢,一對新人同台下家燕姐都忍唔住爆喊。

新任奶奶家燕姐台上致辭,佢一度開心到講錯係自己結婚咁,佢話:「好多謝大家百忙中嚟出席我今日……我個仔個婚禮。」連家燕姐都忍唔笑,佢話:「對唔住,我呢排成日噏錯。」佢多謝朋友由遠道返嚟,再講到獨力養育三位子女嘅辛酸:「大家都知20幾年我啲仔女好細時,我啲日子唔係咁平坦,個個幾歲大,我擔心唔知點養大佢哋,又擔心自己唔知紅得幾耐,可能一兩年冇嘢做,所以好有壓力。」家燕姐話好彩仔女生性聽話:「在座好多影視界朋友都係我恩人,冇你哋支持,冇你哋愛戴,我三個仔女唔會有咁順風順水嘅路去行。」

家燕姐又話:「我有時做嘢都好糊塗,趕幾組又遲到,大家都好包涵接納我,可以令到Jackson去留學,學成歸來,今日事業有成,重可以成家立室,我真係好開心。」講到呢度家燕喺台上爆喊。家燕姐話Jackson已經係一家之主,叫佢要愛錫太太,又再次大讚有個好新抱。

之後七公主成員馮素波、陳寶珠、王愛明同沈芝華都有上台致辭,寶珠姐話:「七公主裡邊大家姐同家燕係最識講嘢,我同芝華同明明都係咁樣咁樣(意指講說話唔叻),今日家燕做奶奶,係好值得恭賀,你睇佢笑到吖,我淨係見到佢啲牙,見唔到佢對眼,我哋幾姐妹都戥佢開心,我哋祝新郎新娘永結同心,白頭到老,孝順奶奶,孝順外父外母,快啲生個BB俾家燕抱孫,佢好恨抱孫。」

精選娛聞,喺晒《娛果》

http://fb.com/appledailyent



一對人出嚟,家燕姐笑得最開心。 一對人出嚟,家燕姐笑得最開心。
又喊一次。

又喊一次。
結婚蛋糕成個人咁高。

結婚蛋糕成個人咁高。
 Jackson致辭落到數淚,Zoe即為老公印眼淚。

Jackson致辭落到數淚,Zoe即為老公印眼淚。
喺台下爆喊嘅新奶奶,上台時多謝好多好多朋友遠道而來。

喺台下爆喊嘅新奶奶,上台時多謝好多好多朋友遠道而來。
佢講番起咁多年嚟養育三子女嘅辛苦。

佢講番起咁多年嚟養育三子女嘅辛苦。
七公主都有上台致辭,陳寶珠就催新郎造人,話家燕姐恨抱孫。

七公主都有上台致辭,陳寶珠就催新郎造人,話家燕姐恨抱孫。
呢身六子連環金豬頸鏈,就明晒奶奶嘅心意啦。

呢身六子連環金豬頸鏈,就明晒奶奶嘅心意啦。

鍾意就快D Share啦!
Related Posts Plugin for WordPress, Blogger...