掃呢頁CODE去手機

2018年8月13日 星期一

【強調仲有對腳】被標籤做「Double May」 莊端兒:由心口開始認識我都OK __,Double May,莊端兒,

Xenia仲話:「梗係認識我全身」
杜汶澤嘅自家網台「杜汶澤喱騷ChapmanTo'sLateShow」,最近有全新節目「一鳩大事回顧」,搵嚟向來「事業心」嘅莊端兒(Xenia)化身性感 ...


杜汶澤嘅自家網台「杜汶澤喱騷 Chapman To's Late Show」,最近有全新節目「一鳩大事回顧」,搵嚟向來「事業心」嘅莊端兒(Xenia) 化身性感女主播,拍住阿澤以貼地抵死嘅方法報道香港每周發生嘅大事。

其實早喺兩星期前阿澤已經喺自己社交網貼出一張Xenia低胸OL服嘅相,話想請佢做秘書,引嚟唔少網民留言話羨幕阿澤,當中包括老婆田蕊妮,阿田仲抵死地稱要請個外表似古天樂嘅司機。

日前Xenia喺天后接受《蘋果》訪問,講到今次同阿澤嘅合作,佢笑言係機緣巧合:「本來諗住見工做秘書,點知突然同我講話佢今日搵唔到人,不如你幫手錄?結果錄出嚟反應幾好,就係咁我由秘書變咗做主播。」

節目啱啱開始喺網上播映,除咗身材睇到網民嘩嘩聲外,Xenia話身邊朋友反應有讚有彈,讚嘅係估唔到佢可以咁搞笑,Xenia話:「其實我私下好鍾意講爛Gag引人笑,但阿澤就想我用較嚴肅嘅表情嚟錄,咁先顯到強烈反差。」而彈嘅就較拘謹同緊張:「自己要慢慢適應,近來都不斷翻睇新聞報道,學習正式嘅新聞主播究竟係點。」

睇番阿澤公司嘅女員工包括楊浩兒及貝依霖,全部都有一個共通點,就係大家都屬「Double May」,Xenia亦都唔例外:「係呀,我自細就畀人叫阿May,因為我喺屋企排第尾。」但怕唔怕幾個女仔會爭寵? 佢話:「完全冇咁嘅事,亦冇擔心過會,喺男多女少嘅公司點會出現呢啲情況。」

對於被標籤為「Double May」甚至要性感打扮示人,Xenia話其實唔介意大家將焦點放喺佢心口:「最好梗係認識我全身啦,我都有對腳嘅,但如果由心口開始認識我咁都OK,起碼有人識。」又表示今次同阿澤合作獲益良多,雖然阿澤用字有時比較粗俗,但佢話完全冇問題:「粗口我OK嘅,聽完唔會打冷震,有時我自己都忍唔住會爆埋一份。」

採訪:曹家誠

攝影:陳慧安、馮嘉銘

精選娛聞,喺晒《娛果》

http://fb.com/appledailyent

Xenia仲話:「梗係認識我全身」 杜汶澤搵嚟向來「事業心」嘅莊端兒(Xenia) 化身性感女主播(杜汶澤facebook圖片) 杜汶澤搵嚟向來「事業心」嘅莊端兒(Xenia) 化身性感女主播(杜汶澤facebook圖片)
Xenia話其實唔介意大家將焦點放喺佢心口

Xenia話其實唔介意大家將焦點放喺佢心口
Xenia話身邊朋估唔到佢可以咁搞笑

Xenia話身邊朋估唔到佢可以咁搞笑
Xenia又表示今次同阿澤合作獲益良多

Xenia又表示今次同阿澤合作獲益良多
Xenia話身邊朋友反應有讚有彈

Xenia話身邊朋友反應有讚有彈

鍾意就快D Share啦!