鄭嘉穎與陳凱琳（Grace）昨日在印尼峇里的Bvlgari Resort Bali舉行婚禮，早上嘉穎先接新娘，在新娘要求下，唱出自己的歌曲《一千個願意》。Grace冧爆解釋：「因為佢有一次唱K唱呢首歌，我覺得歌詞同我好貼切，首歌係講等緊一個天使出現咁樣，我聽到覺得特別sweet。」新娘Grace更說行禮時嘉穎比自己早喊，又好開心可以有一個好老公。
拍拖三年多的鄭嘉穎與陳凱琳昨日在峇里的Bvlgari Resort Bali完婚，一對新人的家人及好友，包括陳凱琳好姊妹陳嘉寶及賴慰玲，鄭嘉穎《鐵馬尋橋》的兄弟唐詩詠、馬國明、黃嘉樂、林子善等，亦早於日前到達。昨日早上鄭嘉穎先接新娘，並接受姊妹團連串挑戰。為娶得美人歸，嘉穎有求必應，在新娘Grace要求下，他唱出自己的歌曲《一千個願意》，然後又要抱起Grace由走廊行入大廳，跑了200呎路程，之後嘉穎與穿上裙褂的新娘子斟茶給雙方父母。
Grace要求嘉穎唱《一千個願意》，是因為她覺得自己是嘉穎生命中的小天使，她受訪時解釋說：「因為佢有一次唱K嘅時候唱咗呢首歌，我覺得歌詞同我好貼切，首歌係講等緊一個天使出現咁樣，我聽到覺得特別sweet，所以我叫佢唱歌，佢都即刻明白我嘅意思，唱呢首唱咗兩句。呢個真係誠意，所以嗰一part好窩心。」
| | |
新郎早喊過新娘
Grace與嘉穎的婚禮昨日下午於酒店中的小教堂舉行，場地佈置以代表愛情的白玫瑰及黃玫瑰為主。新娘子Grace在當地時間下午2時換上白色婚紗，蹺住爸爸臂彎步入教堂。兩人宣讀誓詞時都感動落淚，嘉穎在致詞時透露鄭媽媽經常問他甚麼時候會結婚，他就會回答：「可能生完B先結婚。」昨日婚禮上他向媽媽說抱歉，因為嚇了她很久。他又感謝Grace帶給他喜悅：「係你令我想組織家庭，以前未試過。」嘉穎更指拍拖一年多就向Grace求婚，不過因為時機未成熟而拖延至今，他同時向Grace許下諾言：「我會照顧你一生一世，I Love You So Much！」
外表一向硬淨的嘉穎，在訪問中坦言為婚禮流下淚水：「今日係感動嘅，其實我見到Grace行入教堂，已經忍唔住流咗兩滴馬尿。亦都好感觸同大家講咗好多真心話，除咗有一段講啲好official嘅嘢外，我哋自己都講咗一段心目中對對方嘅感覺，我覺得呢一段係我哋兩個都好感動嘅。」Grace就大爆嘉穎比自己更早喊：「去到最尾，我見到嘉穎已經流咗一滴眼淚，我都估唔到佢居然比我早喊，所以我跟住都喊。」
行禮前肚囉囉攣
Grace又大爆小秘密：「行禮前，我叫嘉穎快啲去教堂，因為我唔想俾佢見到我着呢件婚紗，佢從來都未見過，當我着起呢條婚紗，突然間個肚好以囉囉攣咁，好似好緊張，心跳又加速。」她又大讚嘉穎：「好開心有一個咁好嘅老公，咁錫我嘅老公，我亦好期待我哋將來幸福快樂。」一對新人亦感激一眾好友到當地觀禮，嘉穎補充說：「其實四、五個月前已經通知咗佢哋，因為佢哋都要度期。」
採訪：嵐山、魯吉
|
鍾意就快D Share啦！
|
|
|
