鄭嘉穎與陳凱琳在峇里結婚，不少明星好友亦遠赴當地觀禮。黃智賢在社交網分享短片，寫道：「七星伴月，恭喜一對新人。」原來是片中七個男子黃智賢、唐文龍、黎耀祥、黃嘉樂、曹永廉、林子善及馬國明，圍住唐詩詠，更一起向詩詠「伸出魔爪」，看來玩得非常興奮。Grace好友陳嘉寶及賴慰玲亦在Ig貼出在峇里的靚相，但照片中就未見一對新人蹤影。
黎耀祥參加完婚禮後說：「成個婚禮都好感動，唔止一對新人感動到喊，好多人都感動到喊，自己都眼濕濕，始終做藝人經歷好大壓力，佢哋都經歷唔少，先可以走埋一齊。」問到邊部份最感動，祥仔指是牧師跟一對新人訓勉，以及嘉穎與Grace講兩人相識經過。唐文龍亦很感動：「個情懷同浪漫仲漂亮過拍戲，我哋做兄弟戥佢開心。景靚、人靚、天氣又好，一切都係完美。」曹永廉則表示：「見到佢兩個大家都錫大家，好似細佬結婚咁，真係好感動。」
採訪：嵐山、魯吉
來源 source: http://hk.entertainment.appledaily.com
|
鍾意就快D Share啦！
|
|
|
