2019年5月24日 星期五

英超Fever:曼聯勢購新卡域克 桑恩朗達夫究竟乜料? __,曼聯,

(GettyImages)桑恩朗達夫上季表現精華:https://bit.ly/2JXNZts 英超排第6失歐聯資格,陣中軍心渙散,安達靴里拉離隊、盧 ...


(Getty Images)


桑恩朗達夫上季表現精華:https://bit.ly/2JXNZts 

英超排第6失歐聯資格,陣中軍心渙散,安達靴里拉離隊、盧卡古及保羅普巴又或離開,曼聯要換血成功、再成聯賽爭標力量,堅考領隊蘇斯克查功力。紅魔鬼今夏狂追年輕實而不華戰將,除即將購入「新傑斯」丹尼爾占士外,仲望於日內以2000萬鎊收購「新卡域克」桑恩朗達夫。呢名紐卡素21歲英格蘭新星,對魔迷嚟講非常陌生,不過英國當地對佢風評極佳,睇嚟蘇帥眼光唔曳。

桑恩朗達夫身高1.8米,司職防守中場,呢名後生仔閱讀球賽能力唔錯,而且傳送亦有功架,被英國傳媒封為「新卡域克」。此子體力雄渾、走動範圍甚大,不時上前助攻射門,有力增強紅魔中場活力。雖然上季先成紐卡素一隊球員,僅9次上陣踢咗687分鐘、取得1個入球,但佢潛質優厚,遂成蘇斯克查目標。靴里拉離開,普巴亦非踢防中材料,故蘇帥希望引入桑恩朗達夫,同麥湯米尼組成全新防中組合,解放普巴之心昭然若揭,希望呢位法國世界盃冠軍猛將,得到更多自由度,為紅魔注入更多創造力及專注進攻。

睇番桑恩朗達夫上季數據,佢於英超平均每場跑動12.12公里,成為紐卡素最跑得嘅中場,亦比普巴、尼曼查馬迪、靴里拉、麥湯米尼、費特洛迪古斯同安達斯彭利拿為多。佢成功傳送率達80.89%,最重要係攔截成功率達76.47%,曼聯陣中只有麥湯米尼嘅90%係好過桑恩朗達夫。

英國傳媒報道,曼聯將於48小時內向紐卡素提出正式收購,據報喜鵲領隊賓尼迪斯,極希望留住呢名新星。但若紅魔鬼真係出手,就算桑恩朗達夫於紐卡素土生土長,都可能選擇轉投曼聯。

《彩報》豪裝,入市即贏!撳撳呢條Link,寶藏等你拎:http://win.on.cc/football/ 




來源 source: http://hk.on.cc
鍾意就快D Share啦!
Related Posts Plugin for WordPress, Blogger...