歎世界 全女班滑水 樂基兒 7萬平買峇里小島

真面目

歎世界　全女班滑水　樂基兒 7萬平買峇里小島

32歲樂基兒（ Gaile）同 45歲黎明去年底正式離婚，斬斷 4年夫妻關係。離婚後自由自在，樂基兒半年來不停同老外新歡 Cuz遊山玩水，最近更傳出 2人即將結婚。

閃婚消息傳到似層層，不過本刊收到可靠消息，指樂基兒唔只同新歡 Cuz未有耐拉埋天窗， Gaile最近更狂黐班女性 buddy實行全女班滑水。而據知視峇里為第二個家的 Gaile，早前更以筍價 7萬港元買下峇里島附近一個小島做滑浪基地，叠埋心水在小島長住。

樂基兒同黎明自去年 10月透過經理人公司發聲明宣布離婚後， Gaile於近半年經常於 Instagram發放遊山玩水照片，其間有傳她於印尼峇里與新西蘭籍滑浪教練 Cuz撻着，但估唔到 Gaile同黎明離婚啱啱半年，上週竟然傳出 Cuz已心急向 Gaile求婚，而一向敢愛敢恨的 Gaile更一口答應，閃電做人妻。

上年婚變期間， Gaile經常同新西蘭籍滑浪教練 Cuz喺峇里歡度甜蜜時光。

峇里全年係夏天， Gaile亦不時着住泳衣周圍遊水作樂，啱曬鬼妹仔性格嘅基兒。（網上圖片）

小島建新居

不過據本刊了解，其實熱愛自由的 Gaile暫時未有結婚打算，現階段只想繼續留在她視為第二個家的峇里島吃喝玩樂。

據知 Gaile為免自己放上 Instagram的照片會刺激前夫黎天王，所以近期再沒有上載與新歡 Cuz合照，反而多上載與一班志同道合、又熱愛滑浪的女性友人合照。

同黎天王離婚半年期間， Gaile大部分時間留在峇里島生活，間中只抽過短時間返老家美國三藩市探親。由於熱愛峇里生活自由自在，據知 Gaile最近便以 7萬港元跳樓價，於峇里附近買下一個小島，打算長居當地，而位於小島上的新居現正處於裝修階段。為監察新屋裝修進度， Gaile將留在峇里直到暑假。

3月頭， Gaile曾被影到踩去 dragon-i見荷里活巨星里安納度迪卡比奧，離婚後的 Gaile回復一顆少女心。《蘋果日報》圖片

表面見里安納度，有指 Gaile返港其實秘密為 Neutrogena拍廣告搵快錢。

拍廣告吸水

Gaile於上年 10月離婚後，外間曾傳出她可收到黎明的一筆過 2億元贍養費，但事後 Gaile曾喊咁口澄清冇收 2億：「我唔貪錢，我有工作，可養自己。」

據稱 Gaile於這半年內，曾秘密返港，最近一次是於 3月頭曾被記者影到她鬼祟到夜場 dragon-i見偶像里安納度。表面睇偶像，但當時 Gaile其實返港只是為 Neutrogena護膚品拍新一輯廣告。唔使靠黎明， Gaile一樣唔憂冇錢使。

黐同性喪玩

失婚後 Gaile一身鬆曬，加上手頭大把錢，所以過住半退休生活的 Gaile可以長留峇里島同朋友吃喝玩樂。除了 Gaile會經常上載遊玩相上 Instagram，本刊亦於她好友的 Instagram找到多張 Gaile新相，不過相中清一色全女班，唔使驚有緋聞。

Gaile的好姊妹，不乏中性打扮的女性，睇佢大歎啤酒就知佢幾 free啦！（網上圖片）

（網上圖片）

跟 Cuz傳緋聞後， Gaile明顯學精咗，最近多數黐埋同性玩。（網上圖片）

超平價做島主

峇里島長期夏天，而且浪大最適合滑浪，而近年熱愛滑浪嘅 Gaile唔只長居峇里，據知佢最近仲以 7萬港元喺當地買咗個小島，方便釣魚同滑浪。（網上圖片）

於峇里海岸，有超過一百個不同大小的小島，當中近岸的小島多被大財團買下做度假村，而偏遠及面積小的小島因交通不便，並不搶手，而且價錢亦相當便宜。好似 Gaile買的小島， 7萬港元便有交易。而於峇里買島，只要有錢便可做島主，而買島後島權仍歸屬印尼政府，而印尼亦有不少負責島嶼買賣的公司經營此生意。

黎明忘記 Gaile？

前妻 Gaile傳出再婚，咁啱 2年冇出新歌的黎天王就有首〈我可以忘記你〉面世，歌詞好到肉，唔通是寫畀 Gaile聽？

上月底，黎明出席活動時，被指憑歌寄意，佢即爆金句：「如果唱歌有含意就大件事，咁就乜都唱唔到、行又行唔到，又做唔到人㗎喇！」

上週四（ 4日）係大導劉偉強 53歲牛一，圈中大星如張學友及張家輝等都有到場恭賀，但黎明卻臨時甩底，有指黎天王為怕被人追問前妻再婚一事所以避席。

採訪、撰文、攝影：娛樂組

鍾意就快D Share啦！

下一篇 》