Kabby 新版𡃁妹仔

Beauty Hunt

Kabby　新版𡃁妹仔

82年套經典電影《𡃁妹仔》，當年新人溫碧霞憑電影一炮而紅，今年再拍延續篇《𡃁妹仔之微交少女》。事隔 31年，溫碧霞升呢做阿媽，而周秀娜師妹許雅婷（ Kabby）則做新𡃁妹仔之一。

18歲的 Kabby，上年被 G.M.E𥄫中成為周秀娜師妹，初期曾被公司塑造成「淘女郎」（淘寶網模）兼做《蘋果動新聞》妹。而今年 Kabby衝出模界，唔只進軍電影圈，還會連同公司師姐組隊唱歌，總之唔會學其他𡃁模一味靠剝， Kabby有運行啦！

有「翻版 Kama」之稱的 Kabby，第一次拍戲就要做叛逆少女， Kabby話開鏡頭二日都未適應，幸得「阿媽」溫碧霞提點。「戲中要叫 Irene（溫碧霞）做阿媽，同佢仲有好多嗌交戲，開頭係好唔慣、好唔自然， Irene冇刻意教我做戲，每日佢都會嚟睇我、關心我，令我放鬆好多，之後愈拍愈順。最大膽一幕，就係同 Dominic（糖妹男友何浩文）嘅床戲，事前我飲咗半支紅酒壯膽，露全背已經係我嘅底線！」

Kabby未拍《𡃁妹仔》前，經常幫《蘋果動新聞》做「爽女」講新聞，不過最近忙於拍戲，所以已經減少出現。

《𡃁妹仔之微交少女》中做溫碧霞女兒， Kabby話交到功課全靠「阿媽」教路。

Profile

姓名：許雅婷（ Kabby）

年齡： 18歲

身高： 160cm

三圍： 34、 25、 35

喜愛演員：張曼玉、張栢芝

組隊唱歌

開鏡前一星期才收到試鏡通知， cast了兩次便成為新一代𡃁妹仔，從未接受過演藝訓練的 Kabby，第一日開工就一試鍾情，愛上做戲。

「自細興趣唱歌跳舞，夢想係做歌手，但第一日埋位後就發覺對做戲好有興趣，愈做愈鍾意，我希望可以接拍更多電影。公司知我鍾意唱歌，今年亦會安排我加入 LemonBeez組成 3人組合一齊唱歌，我都想多方面發展，好似師姐 Chrissie一樣做全能藝人。」

Kabby（中）舊年被 G.M.E睇中簽做𡃁模，好在佢唔使剝，只係做過吓「淘女郎」，負責 sell吓強國淘寶網 product，而一班淘女郎當中，暫時以佢最快跑出。

採訪、撰文：魏紫嫦

攝影：範仲良

形象： Bryan@the Flaming

服裝： Bershka

鍾意就快D Share啦！

下一篇 》