全城熱爆的娛樂八封新聞 & 時事趣聞 & 生活 + 趣聞
富二代唔係個個洗腳唔抹腳嘅，老豆楊受成喺全球富豪榜排 1,075位，今年 26歲嘅楊政龍原來都有慳家一面。話說早排復活節期間 FBI唔少朋友都出埠玩幾日，有位朋友竟然就喺機鐵（係，係機鐵！）度撞到呢位少爺仔。
當時佢仲同一位長髮美女一齊。短短半個鐘車程，美女顧住瞓覺，楊政龍反而鬼打咁精神，不時照顧女伴。楊政龍離開機鐵時仲攞住大大塊滑雪板，睇嚟應該係去美加地方滑雪喇！
有樣又有錢，楊政龍身邊當然有唔少紅顏知己啦！喺 Instagram內就見到唔少索女爭住同佢影相同消遣。
