全城熱爆的娛樂八封新聞 & 時事趣聞 & 生活 + 趣聞
官恩娜（ Ella）近排可能掛住錄歌出新碟少咗出嚟，當日 Ella自己揸車落尖沙咀加連威老道，見佢好熟練咁泊低架車喺路邊，再以箭步橫過馬路，行入一間專賣日本得意產品嘅鋪頭度，佢同售貨員傾咗幾句之後，對方就拎咗幾盒假眼睫毛畀佢，其間有途人認出 Ella， Ella都好樂意咁同佢哋影靚靚合照。
不過 Ella唔知係咪趕時間，還是有 fans搵佢影相而開心到飄飄然，走嘅時候竟然夜晚揸車冇開燈！俾警察捉到要罰＄ 320，唔通女神揸車真係特別大懵！
飛過馬路 Ella泊低車即刻飛奔入鋪頭，睇嚟好趕時間喎！
有男 fans認得 Ella（箭嘴），即上前要求合照， Ella有求必應，都影咗幾張嚟滿足 fans㗎！
罰$320 好頭但冇好尾， Ella走嘅時候都夜晚 8點幾，點知唔記得着燈開車，唔知佢有冇撞到警察叔叔呢？
