佘詩曼盛女 Art Jam

着上圍裙，阿佘（左一）同周家怡（右一），仲有一位女性朋友都好專心咁畫畫。阿佘揀咗畫羊群，佢先用粉紅色油彩打底，再逐隻羊慢慢畫上去。

FBI

佘詩曼盛女 Art Jam

香港女仔眼角高，所以 FBI身邊都有唔少又靚又叻嘅女性朋友仲未嫁得出。放假冇拖拍，惟有約埋一班志同道合嘅盛女 buddies搵嘢搞吓。唔好心邪， FBI係講緊藝術咋。

好似今個月初， FBI無聊行過銅鑼灣道，竟然撞到鑽石盛女佘詩曼同佢位好姊妹周家怡、以及一位女性朋友喺一間 Art Jam Workshop打躉。阿佘暫時唔使返內地拍劇，所以近排都好鬼得閒。 FBI發現佢嗰陣已經係傍晚 5點幾，當時佢哋一行 3人喺畫室入面揀畫做參考，阿佘揀咗一幅羊群畫之後就坐低開筆。初頭佢都畫到口擘擘鬼咁 high，點知畫嚟畫去都畫唔好羊羊，於是佢就搵阿 Sir教路，阿佘一畫畫咗差唔多 2個鐘都仲未畫完，惟有捧住一幅未完成嘅畫返屋企埋尾。 FBI即刻問阿佘畫幅畫送畀邊個啦？阿佘話：「就嚟母親節想畫幅畫送畀媽咪。(揀畫羊有冇特別意思？)冇乜意思。」揀羊，唔通因為「羊群心理」？不過阿佘一向有主見，又唔似人做佢又做喎。希望阿佘真係親手完成幅畫，唔係請槍啦！

阿佘雖然今個月尾就 38歲，但個樣，特別係皮膚都 keep得好好。呢日佢素顏去畫畫，個樣都仲係咁 sharp，成日要返內地拍劇都冇走樣。

開筆之前，阿佘一行三人先去書架揀畫作參考。呢間 Art Jam Workshop喺銅鑼灣區都幾出名，個半小時每人收費 4百蚊起。

阿佘仲愈畫愈 high，畫到大叫：「呀！」一聲。

阿佘畫羊，畫極都畫唔好，惟有請教阿 Sir點畫。

喺 Art Jam Workshop畫咗 2個鐘都未畫完，仲要畫隻羊就細細粒，背景色地就咁大，而畫唔曬嘅阿佘惟有帶住幅畫返屋企。

阿佘 5歲嗰陣，爸爸因為意外過身，所以阿佘自小同媽咪陳鳳蓮相依為命，感情超好。即使近年媽咪移居夏威夷，都會成日返港探望阿佘。

鍾意就快D Share啦！

下一篇 》