全城熱爆的娛樂八封新聞 & 時事趣聞 & 生活 + 趣聞
前週六播出嘅《玩嘢王》令嘉欣 BB突然人氣急升，除咗網民，唔少藝人都大讚嘉欣 BB好戲。不過幾時先攞到視後？ FBI都想知。
嘉欣 BB自從喺《玩嘢王》入面爆喊，玩到魔術師氹氹轉之後，馬上被網民封為視後，而傳媒亦都唔放過嘉欣 BB，爭相報道佢已經同伍允龍甩拖，轉搭陳智燊同男教友前歌手彭紀諺嘅消息！呢期嘉欣 BB真係紅過當年攞華姐冠軍。
不過 FBI索到，嘉欣 BB實情同伍允龍仍然好 sweet，年初二人仲去完美國旅行兼見家長，只不過嘉欣 BB想觀眾專注喺佢事業同演技上，所以從來唔講亦唔想人報道佢同伍允龍嘅關係，所以今次話佢同伍散咗佢都冇澄清，大家鍾意寫乜就寫乜。
上星期有報道指嘉欣 BB搭上自資出碟嘅闊少兼教友彭紀諺，但查實嘉欣同伍允龍拍拖 6年，感情一直都好好，冇散過。
圖片
