掃呢頁CODE去手機

2013年5月30日 星期四

阿 Paul爆粗鬧家強:「佢冇朋友!」




阿 Paul與家強的爭拗,往往是在同一事件上有兩個版本,阿 Paul不停說要找世榮做證,但身在大陸的他堅持封口。

探熱針

阿 Paul爆粗鬧家強:「佢冇朋友!」

Beyond三十周年紀念演唱會搞唔成,隊中成員黃家強及葉世榮分別在六、七月搞個人演唱會,由於六月是家駒逝世二十周年,二人同時在個唱預留一部分來懷念家駒。作為家駒親弟的家強更發起「 It's alright,今天我好好——致家駒」活動,呼籲 fans、藝人及各界友好送一張相給亡兄。

上週六(五月廿五日),家強在微博寫了一封給家駒的信,卻觸動阿 Paul的神經。週一晚(廿七日),阿 Paul在微博狂轟家強:「家強……我有甚麼得罪你……你再抹黑我,音樂也不會進步……」家強、世榮為免再刺激阿 Paul,各自封口不作回應,阿 Paul透過 WhatsApp回覆本刊時說:「家強冇朋友!」

數多年恩怨

阿 Paul由週一晚(廿七日)開始,先後發了三條微博怒罵家強,先由其樂隊成員開戰,阿 Paul再回應:「家強,我有甚麼得罪你……你居然對演出及照片隻字不提……你會說我無資格,聽我講一次可否。」

留言一出,近三千 fans回應,大部分都說以和為貴,希望他收火。十多分鐘後,阿 Paul引述 Beyond前經理人 Leslie Chan指責家強借家駒宣傳的博文:「每次他都說家駒報夢叫他那樣做,我真心送家駒一首《故事》,被他罵得狗血淋頭……」

再過十五分鐘,阿 Paul繼續轟:「我們一眾兄弟在吐,看他怒打助理致人家自殺……」

出事初期,記者以 WhatsApp跟阿 Paul交談勸交,他說家強人緣差,冇朋友。

阿 Paul在週一晚發了三大段微博怒斥家強,牽涉多項指控。

友人代出頭

正為個唱練歌的家強,週二下午透過助手表示不作回應。但有 Beyond身邊人對阿 Paul激烈言論忿忿不平。

「其實家強有 send過 WhatsApp同佢講『家駒我好好』交相嘅事,阿 Paul無覆,但五月三號佢亦有喺微博叫家強為個騷加油,點會冇通知?」

Beyond前經理人 Leslie Chan指家強借家駒宣傳,知情人士說:「 Leslie喺大陸抽水出咗本影集後寫信同家強道歉,話想搞三十周年活動,家強拒絕,佢咪鬧人囉!阿 Paul以前好憎佢( Leslie),而家居然借對方把口鬧自己兄弟。至於家強話發夢見到阿哥,好多朋友都知,但佢冇講過報夢。而《故事》首歌已經係○五年嘅事,家強當時認為應該三個人共同創作,但阿 Paul一意孤行,家強同世榮都反對,首歌出唔成,阿 Paul始終耿耿於懷。」

阿 Paul與朱茵經過多年愛情長跑,去年誕下女兒,如今已七個月大,估唔到榮升爸爸的他仍未收火。

「 WhatsApp?有×」

講到家強前助手曾自殺一事,知情人更加勞氣:「佢問家強借錢冇還,又話冇屋住,同女友喺家強 band房瞓都算,最大鑊係偷咗家駒兩支結他去大陸賣,家強頂唔順先炒佢。」

記者致電阿 Paul,他仍未熄火:「 WhatsApp?佢有×?你叫佢拎出嚟!喺街撞到都無提呢件事,我自己去佢微博支持咋。(你介意無正式通知你?)係!」

反轉豬肚幫 Lesile反插兄弟,阿 Paul亦有一番見解:「我以前係好憎佢,但我做人最公平,我認同佢嘅說話啫。

13年

世榮話自己無期搞 Beyond三十周年個唱,但他七月會在香港搞個人音樂會,早前更與家強上《勁歌》。

Beyond最後一次同台,發生了《 Beyond的故事》不和事件,家強跟阿 Paul台上台下也互不瞅睬。

堅稱為 Beyond好

「佢無講報夢?(○三年)《抗戰二十年》佢話家駒報夢之後見到 demo就用,講完又唔認,佢○五年話我無資格寫《 Beyond的故事》(家強覺得應三個人一齊創作。)打麻雀咩?家駒喺度都係咁掉歌出嚟,睇吓有乜加減改善,我無話一定要用吖,佢聽都唔肯聽,我唔係想佢衰,我做每件事都係為 Beyond好,為三個人好。

「佢打助手,好多人知,因為影護照個底色唔啱,出唔到埠,就打人一巴。」對於阿 Paul的反駁,記者一直未聯絡得家強回應。

Fans勸停火

阿 Paul在微博狂轟家強,有過百萬死硬派內地粉絲,不再一面倒硬撐阿 Paul。



鍾意就快D Share啦!