媽咪姐
貝安琪多得阿媽
最近有周刊話陳展鵬同貝安琪拍拖半年，媽咪姐一睇就覺得好流！
原因好簡單，貝安琪有個阿媽劉香萍跟出跟入，就連拍《巨輪》都係母女檔落場，睇到個女咁實，邊有男仔敢埋身喎！
呢，早幾日之嘛，媽咪姐喺 IFC嘅 city'super又見到佢哋兩母女，同行仲有個女性朋友。當貝安琪去洗手間時，媽咪劉香萍突然喺 IFC當街當巷試鞋，阿女去完洗手間時，見到阿媽做埋啲咁土嘅動作都忍唔住笑。之後佢見到媽咪姐影相，劉香萍即刻收番對新鞋，阿女就好尷尬咁同媽咪姐 say hello！
貝安琪被傳跟陳展鵬撻着，但當日所見，佢身邊依然係阿媽劉香萍（左）喎！
劉香萍竟然唔怕核突，大街大巷換鞋，唔知嘅，真係會將佢當作強國人㗎！
囡囡貝安琪見到阿媽咁，不禁尷尬傻笑，之後更通水俾阿媽知有記者。
