激走盧敏儀 蔡楓華開蚊型騷自救

回應發忟憎

上周三（ 2日），本刊向蔡楓華求證開蚊型騷吸水一事，他只不停說：「 OK…… OK，費事同你講!」表現極不耐煩。

娛樂喧

激走盧敏儀　蔡楓華開蚊型騷自救

兩年前，蔡楓華（ Ken）得老友盧敏儀打救，在九龍灣展貿開騷，鹹魚翻生。不過一朝得志的他，最終反面不認人激走盧敏儀。他去年改與張耀榮合作，終一償紅館夢，可惜銷情慘淡，提起開 part 2，張耀榮耍手兼擰頭。

如今眾叛親離，為生計，蔡楓華近日以自己公司名義開騷，僅在荃灣大會堂舉行，不過貴飛依然企硬收$480，似乎信心爆棚！

其他影片

蔡楓華經歷多年顛沛流離生活，兩年前得好友盧敏儀協助下，成功在九展舉行三場演唱會，好評如潮令蔡楓華得到不少中女 fans，同時賺得 30萬歌酬。可惜其後他卻公開數臭老友「賺曬啲錢」，反轉豬肚，二人最終反面收場，當時盧敏儀直言為此事「喊過好多次」。事後蔡楓華雖然得到「大名娛樂」老闆林建名和張耀榮揼錢為他在紅館開騷，可是蔡不改臭口本色，加上演唱會賣得五成飛，令老闆蝕入肉，蔡楓華自此開騷無期。

痛苦睇醫生

當街撩鼻

步行返家途中，無人認得出的蔡楓華當眾採礦，十分市井。

平買成藥

久病纏身的蔡楓華，睇完醫生再去藥房買了 40蚊消炎藥，似乎他在開騷前狀態麻麻。

貴價飛搵笨

冇老闆肯科水，一直高呼「不去紅館誓不為人」的蔡楓華，為生計亦要向現實低頭。近日他以自己公司「歌富製作」名義，於周六、日（ 12及 13日）在荃灣大會堂演奏廳開騷。日前，記者到過城市電腦售票處查看銷售情況，發現全場 1,420個座位，最前數排近 140個貴飛位賣到$480，以場地來講，訂價實屬揦脷。

雖然貴飛價錢睇齊紅館，但仍與$120平價飛一樣，竟然全數售罄，至於中價票則仍大量滯銷。知情人透露：「其實睇得阿 Ken（蔡楓華）演唱會嘅人，都係跟咗佢好多年，佢哋唔理幾貴一樣會去睇，最緊要可以同到偶像握手合照。所以阿 Ken之前講明買貴飛嘅 fans，可以入後台同佢影相。」不過記者問過售票員，他直指基於保安理由，貴價區就只得坐最前一排約 25個觀眾可到後台影相，其他觀眾一律不可以入後台。變相有搵笨之嫌。

票價睇齊紅館

由於今次搵唔到贊助商和主辦單位，蔡楓華惟有將演唱場地由可容納兩萬人的紅館，變成荃灣大會堂。不過，今次演唱會的最貴票價依然是$480，與紅館睇齊。

一半飛賣剩

截至周一（ 7日），本刊到城市電腦售票網視察，發現蔡楓華今次演唱會，全部觀眾席有 1,420個座位，但只得貴飛及平飛賣曬，離演唱會不足一星期，仍有約一半飛賣剩。

呻冇錢使

我唔會同佢聯絡。（真實對白）

周二（ 8日），盧敏儀出席活動時，強調自己已沒有與蔡楓華聯絡。「我喺地鐵啲海報見到他開騷，不過我唔會再同佢聯絡，我唔願做嘅嘢，冇人迫到我去做。」

蔡楓華今次演唱會是以自己公司做主辦單位，不似昔日只收歌酬，加上幫他搞騷的全是他的忠實 fans，冇收任何酬勞，故今次蔡楓華賺幾多都可以全落入自己袋。若全場爆滿，扣除兩晚共$33,300場租及$50,000製作費，他亦有 50萬落袋。知情人續說：「其實呢兩年阿 Ken做騷登台搵到過百萬，一支公使應該好好使，但佢早排同我哋講好手緊，想搵多啲錢，問佢啲錢使咗去邊，佢又答唔出！」

病住開騷

紅館冇 take2

蔡楓華去年 4月終在紅館開演唱會，當時他意氣風發，揚言會在今年 9月開 part 2，可惜得個講字。

上周三（ 2日），離開騷期只有十日，記者發現蔡楓華戴住 cap帽黑超由筲箕灣寓所步出，到附近診所睇西醫。等醫生開藥期間，記者見他一時呻吟嘆氣，一時除眼鏡捽眼，更揞住肚面露痛苦之色。其後他再度在一街之隔的藥房買了兩排$40消炎鎮痛藥。當他離開時，記者上前與他做訪問，最初他以為是 fans，即微笑表示可影相，但當記者表明身份，他即口窒兼槲脷說：「 OK…… OK，我……我有嘢做……趕時間。（你係咪經濟有問題？）咩呀？費事……費事同你講，冇事……冇事！」然後匆匆上的士離去。

升呢住筲箕灣

未翻生前，蔡楓華只踎 150呎錦田村屋，但近兩年復出演唱會令他賺過百萬，現在升呢以月租萬四住筲箕灣只得 10年樓齡的禦景軒。

眾叛親離

嚇怕張耀榮

蔡楓華與盧敏儀反目後，「演唱會之父」張耀榮去年 4月曾助他圓紅館夢，不過該紅館騷滯銷，因而嚇怕張耀榮，自此未有再與蔡合作。

同 Money反目

盧敏儀（ Money）與蔡楓華識於微時，更幫蔡在九展搞復出演唱會。但最後不歡而散。

其他影片

鍾意就快D Share啦！

下一篇 》