Dear Jane被偷走的那條橋

MV男女主角分別係《第一次不是你》嘅男主角馬志威同模特兒 Pan，其實文藝氣質唔係得張孝全有，香港男演員都得㗎！

FBI

Dear Jane被偷走的那條橋

港產片、香港導演近年少拍催淚片，所以黃真真套《被偷走的那五年》勁多人吹捧，連 Dear Jean新歌〈不許你註定一人〉 MV都被人話抄黃真真橋…… FBI要講句公道話，失戀、車禍橋拍咗幾十年啦，咁樣邊算抄呀？

成員 Howie就趁機捉住 FBI大反擊：「其實真實嘅感情故事喺我哋身邊都有，唔係下下要電影、電視提醒大家先識得感動同珍惜囉！呢次 MV故事真人真事改編，就喺 Howie朋友身上發生。朋友太太有癌症，朋友貼身照顧、陪佢度過咗最後 5年，兩年前至病發走咗……唔好等有事發生、有戲上先話感動，無論幾時都應該要珍惜身邊嘅人同事。」係喎，做歌咁用情咁用心，唔怪得 Dear Jane啲新歌點擊咁高啦！其實香港都有好歌同好 band，仲踩香港樂壇？

MV以 Dear Jane喺瀑布唱歌再穿插馬志威同女模溫馨片段， roll機前 Dear Jane爭取時間整古做怪。

床戲都唔係一定鹹濕，〈不許你註定一人〉兩位主角喺床上度過人生最後一段日子，喊到枕頭濕就真。就係呢幕啲人話好似《被偷走的那五年》（右圖）。

與其鬧爆香港樂壇病入膏肓，不如支持吓廣東歌好過， Dear Jane好歌有好報，新碟另一隻主打歌〈無可避免〉喺 YouTube點擊已超過 70萬，厲害！

鍾意就快D Share啦！

下一篇 》