全城熱爆的娛樂八封新聞 & 時事趣聞 & 生活 + 趣聞
快將做人老豆嘅阿 Mo愈來愈有男人味，冇計啦，呢樣至係佢最煞食嘅本錢！
陳豪（ Moses）就快做爸爸，係人都知佢呢排密密接 job搵奶粉錢。好似上星期佢又繼續出動。
上週四（ 31日）萬聖節，陳豪出席咗個汽車活動，當日阿 Mo只係現身活動大約 20分鐘，內容係企喺新車旁影相、同高層碰杯、同埋同記者傾偈，事後 FBI就八卦問吓今次阿 Mo酬勞啦，約莫係 20萬。咁佢咪即係 1分鐘收 1萬？賺到笑啦！
一邊賺住錢、一邊同車行高層飲香檳，仲分分鐘買車有折頭，唔怪得阿 Mo笑得咁開心啦！
茵媺即將喺聖誕節開刀，陳豪搵錢當然要快手。
