掃呢頁CODE去手機

2013年11月26日 星期二

呂慧儀「含」春樣最Cute索 呂慧儀,




演藝人協會昨晚舉行校服派對,多位女星化身學生妹鬥Cute,但不是穿超短裙就是低胸上陣!當中人妻呂慧儀含住珍寶珠出場,一副少女含春的樣子,「寸嘴Barbie」夏尉喻以無敵導彈搶盡「峰」頭,扮小丸子的陳嘉桓則最可愛。

呂慧儀手執珍寶珠「含」苞待放的樣子,老公睇完又點會搵小三!

陳嘉桓變身幼稚「長」丸子,全場最萌。

馬國明變身學生王子,唔知朱晨麗有冇被電暈?

衛詩雅出埋「道具」背囊上陣,睇嚟相當認真!

「福祿壽」中以王祖藍(中)最似學生哥,相信冇人會質疑。

穿低胸校服的夏尉喻黐實錢國偉,女友陳宛蔚全程得個「望」字。

吳千語著長襪配及膝裙,多忽肉睇嚇都冇!

文頌嫻的四眼妹造型相當嬌俏,完全不似人母!

香港演藝人協會昨晚在九展舉行20周年慶祝晚會,以「回到校園時」為題筵開37圍,女星吳千語、呂慧儀、衛詩雅、朱晨麗、林夏薇及陳嘉桓(Rose)等個個變身學生妹!當中人妻呂慧儀曬長腿,含著珍寶珠拍照似足少女含春的樣子,表情甜美過人!戴帽的Rose變身小丸子,十足十日本幼稚園生!驚嚇代表則要數DJ路芙的孖辮Look及黃夏蕙的Sailor Moon造型,男士馬國明、王祖藍、阮兆祥、李思捷及沈震軒等亦穿校服回到學生時代。

演藝人下月選新會長

「女人湯丸」導演錢國偉(Wilson)「照例」帶同多名女藝員及女友陳宛蔚(Calinda)到場,當中「寸嘴Barbie」夏尉喻將校服改成低胸裝,D Cup導彈爆衫而出,還傍實Wilson最得寵!有指她明寸《喜愛夜蒲3》拍檔許亦妮「港姐大曬」,但Barbie支吾以對回應:「佢係女主角,個個都尊敬,導演大曬!」搞到Wilson也忍不住寸她:「你兜咩圈?人哋叫你答就答啦!」令她方寸大亂,只懂說:「今日好開心囉!」對於有傳文凱玲因得罪許亦妮而被封殺,昨晚亦告「失蹤」,Wilson解釋:「冇呢件事!都叫佢唔好病,遲啲有池畔派對,睇佢到時點啦!」Calinda則爆文凱玲因感情事喊到眼腫。

另外,扮女童軍的陳芷菁被問到接任會長人選,她表示要保密:「係有人提過,暫定下個月29號選。」還透露鍾鎮濤、任達華及至八會均捐出收藏品作慈善拍賣。表演嘉賓鄭欣宜以便服到場反而突出,她直言不知要穿校服。

呂慧儀手執珍寶珠「含」苞待放的樣子,老公睇完又點會搵小三!

陳嘉桓變身幼稚「長」丸子,全場最萌。

馬國明變身學生王子,唔知朱晨麗有冇被電暈?

衛詩雅出埋「道具」背囊上陣,睇嚟相當認真!

「福祿壽」中以王祖藍(中)最似學生哥,相信冇人會質疑。

穿低胸校服的夏尉喻黐實錢國偉,女友陳宛蔚全程得個「望」字。

吳千語著長襪配及膝裙,多忽肉睇嚇都冇!

文頌嫻的四眼妹造型相當嬌俏,完全不似人母!



鍾意就快D Share啦!