掃呢頁CODE去手機

2013年11月20日 星期三

咬住陳智燊唔放 朱千雪聞處色變 陳智燊,朱千雪,MF,




雖然話朱千雪老中青都啱嘴形兼喺加拿大長大,不過問到佢近排熱門的處女話題,她則扮怕醜說:「呢個問題太私人喇!」

封面

咬住陳智燊唔放 朱千雪聞處色變

網民不停呼籲熄電視,難免對《 On Call 36小時 II》收視有影響,好在上週《 On Call》平均收視 keep住有 26點,首次拍劇就做女二的朱千雪亦相當搶鏡。

劇中朱千雪做純情醫生,但現實中只拍過一次拖,以「太私人」唔肯認處女的 12年港姐季軍,對型男好主動,老中青三代通殺冧勻勁集郵,其中對旅遊節目拍檔陳智燊更係唔願放手,即使知陳有正印女友宋熙年,仍然不斷搶攻兼示威。朱港姐靚女又熱情, 35歲筍盤陳智燊未必頂得順喎!

歲朱千雪為 12年港姐季軍,但去年若果不是「冧 server」事件,當年人氣頂點的她,絕對有機會成為第一個民選港姐冠軍。有民意支持令佢甚受無綫重用,首次拍劇在《 On Call 36小時 II》即做吳啟華女友,又在新電影《大峽穀》中跟張家輝做對手,擺明有前途。

澳洲叫「朱朱」

在旅遊節目《塔斯曼尼亞的日與夜》中,朱千雪餵陳智燊食嘢,而陳智燊又叫佢「朱朱」,十足情侶打情罵俏。據知二人全程自動波好鬼自然。

好勝合照

陳智燊有穩定女友宋熙年,但朱千雪同人傳完緋聞仲要 po活動相上 Instagram,似乎好勝咗喎!

陳智燊叫「朱朱」

食住《 On Call》聲勢,朱千雪最近身價急升,由1萬升到3萬一個騷,據知聖誕前至少仲有4個活動等住佢,如果加埋陳智燊,做情侶檔肯定仲旺。

朱千雪在加拿大名牌學府 Simon Fraser畢業,專心讀書的她原來只拍過一次拖。讀書時缺少拍拖經驗,入行後即去到盡,施展她的集郵天性,不時喺 Instagram po與男星合照,由 62歲阿叻同型男陳智燊都係佢目標,除了選港姐期間率先冧掂一齊去英國拍攝外景的阿叻,獲得同拍旅遊節目機會外,據知朱千雪亦對滿口牛津腔英文嘅陳智燊同聲同氣勁啱傾。

朱千雪今年 5月因拍旅遊節目《塔斯曼尼亞的日與夜》,而開始認識無綫第二筍盤陳智燊。據知拍攝時朱千雪對陳智燊相當主動,除經常提出餵陳智燊食嘢外,陳亦不避嫌稱朱千雪為「朱朱」。工作人員爆料:「就算拍攝途中,佢都成日黐住 Jason,又成日叫佢一齊自拍,唔知以為佢哋拍緊拖。」

節目拍完,但朱仍然留戀澳洲浪漫情景,不時 WhatsApp陳智燊,雖然明知陳智燊有固定女友宋熙年,不過仍無阻朱千雪對筍盤的攻勢。上週六( 16日)做完活動後,朱千雪再上載二人合照上自家 Instagram,擺明向正印宋熙年示威。

冧盡老中青

朱千雪樣索,唔只宅男 like,連一眾熟男都對千雪 BB印象甚好,除咗陳智燊外,筍盤馬明亦讚佢靚女又勤力。而最近被網民狙擊嘅叻哥,亦讚朱千雪有前途,而在朱的 Instagram內,亦放曬咁多人合照,認真一視同仁。

陳智燊 35歲

騷後同車 17/11

完騷後陳智燊坐的士返將軍澳,要回 TVB的朱千雪即刻雞咁腳跟實黐車坐,爭取二人相處時間。

激死正印

《蘋果日報》圖片

陳智燊同宋熙年拍拖 2年,兩人更在將軍澳君傲灣同居,但陳堅持二人只是朋友,又指彼此只是住在同一屋苑,難怪朱千雪唔放正印在眼內。

陳百祥 62歲

朱千雪第一個旅遊節目就係《叻哥遊世界》。節目中朱千雪更泳衣上陣,而叻哥早前表示台慶如果得兩三點就死咗佢,不過朱千雪就好緊張話:「叻哥唔好死。」有冇咁天真呀!

《忽然 1周》圖片

吳啟華 49歲

朱千雪首次拍劇《 On Call》即做女二,更同吳啟華談情,而吳啟華讚朱千雪夠淡定,他說:「好少 NG,新人嚟講非常淡定。」而拍劇期間亦引得啟華哥撩佢一齊自拍。

網上圖片

馬國明 39歲

佢梗係靚女啦!(真實對白)網上圖片

劇中同馬國明對手唔多,但馬明都大讚朱千雪,她說:「佢梗係靚女啦!同埋佢好勤力,但我真係唔了解佢喎!」

森美 39歲

佢好爽朗!(真實對白)網上圖片

前週日( 11日)朱千雪首次同森美合作,朱千雪即同佢合照,再擺上 Instragram。對於呢位新女神,森美就話:「佢唔係公主型靚女,佢係好爽朗嗰隻女仔。」

「識照顧人又風趣!」

難得二人啱嘴形,而無綫亦有意打造朱千雪同陳智燊為情侶檔,週日二人食住緋聞勢齊齊搵真銀。

席間陳智燊對朱千雪相當照顧,而朱當然受曬。完騷後,朱千雪更主動黐陳智燊一齊搭的士走。被問到是否處女,朱千雪甚為避忌。她說:「屋企人好緊張我哋,我 20歲拍過一次拖咋,𠵱家就冇囉!(近排興爭認處女喎!)唔好意思呀!呢個問題太私人喇,我唔答喇!」

對於咬實陳智燊唔放,週一朱千雪說:「佢好識照顧人,人又好風趣,不過同佢係好朋友,傳緋聞當宣傳囉,唔會覺得尷尬。」

而筍盤陳智燊週一( 18日)出席台慶拜神時,亦對朱千雪讚口不絕,他說:「佢好 nice,勤力,心地善良,不過同佢係朋友囉。(驚唔驚女友宋熙年鬧?)唔使同任何人解釋,因為呢啲嘢大家睇完就算。」朱千雪純情扮到底,不過唔係處就輸咗畀陳凱琳喎!

阿媽陪實 17/11

入行後嘅朱千雪依然相當乖女,週日( 17日)出席完活動,即約阿媽行街醫肚,然後即飛返去電視城為台慶排舞。

肯食茶記

前週四(7日)朱千雪做完《 On call》宣傳,又約阿媽到翠華。女神都肯食茶記㗎!

朱千雪喺加拿大讀書期間,基本上日日都黐住屋企及兩個細妹,返到嚟香港亦經常陪伴家人,現成家住小西灣,除工作外,基本上由媽咪接送。

台慶有份

台慶夜朱千雪(右)當然有份演出,同當家花旦徐子珊一齊表演跳舞仲有得企旁邊。

屋企零私隱

朱千雪喺加拿大讀書,畢業於 Simon Fraser University主修 Business and Communication,由於移民初時英文唔好,所以成日都黐住家人,她表示:「初時一句英文都唔識,識唔到朋友,一小息就搵妹妹,放學就返屋企。」最特別屋企冇私隱,更唔准三個女閂門,她說:「其實爹哋想我哋 close啲啫,我哋冇私隱,但同家人關係好親密,咩都講,拍拖、做人道理都傾。」

12年選美期間,朱千雪愈戰愈勇,雖然曾經有 128磅,但最後減到 118磅,加上樣子甜美,成為網民最愛。

朱千雪父母對三位愛女,愛護有加,雖然屋企零私隱,但朱千雪話關係反而更親密。

朱千雪喺 Simon Fraser University大學畢業,今屆有 17萬選票嘅港姐冠軍陳凱琳又喺呢間就讀,成間港姐搖籃咁款!



鍾意就快D Share啦!