全城熱爆的娛樂八封新聞 & 時事趣聞 & 生活 + 趣聞
八珍一直好 buy一句說話，就係呢個世界冇醜嘅女人，只有懶嘅女人，尤其係孭住明星光環，莫講話只係落街買個麵包，化個妝或者戴番副黑超，起碼拜得神、見得人。懶，要付出代價，由 60歲張艾嘉同各位錯誤示範。
上星期三（十二月四日），完全冇化妝嘅張艾嘉，同班太太團響中環 ifc行街，選擇格價有平有貴嘅 ZARA逐樣睇。年紀有番咁上下，張艾嘉連黑超都懶戴，眼肚眼紋黃面衰老三寶有齊，都夠膽真面目見人，不過見到《壹》仔鏡頭，就驚到遮面都遮唔切。 都係劉嘉玲同葉蒨文醒目，一個化行妝，一個準備副遮眼大黑超，就算冇美圖秀秀幫手，上鏡都唔怕嚇壞人。
雙眼無神嘅張艾嘉，夠膽零妝出街，但就唔夠膽零妝上鏡，見到鏡頭即刻遮面。
48歲 劉嘉玲同葉蒨文雖然後生過張艾嘉，但出街起碼會化妝、戴黑超，自己知自己事。
52歲
