掃呢頁CODE去手機

2013年12月26日 星期四

[壹週刊 1242] 飛甩羅力威 雨僑搭上東莞首富子 雨僑,羽翹,M1,




探熱針

飛甩羅力威 雨僑搭上東莞首富子

拍拖將近三年的雨僑和羅力威,戀情逐漸浮面之際,早前出席公開活動時二人卻互不瞅睬,男方更全程黑面。據知,導火線是羅力威不滿女友在電影《喜愛夜蒲 3》有大膽情慾演出,雙方為此已冷戰個多月。

面臨分手邊緣,雨僑依然風騷,近日被東莞首富之子鄭家星力追,出動三百多萬林寶堅尼戰車接載遊車河,公然向羅力威示威。

其他影片
刻意隱瞞

早前雨僑跟羅力威被邀出席同一個活動,席上二人拒絕合照,跟以往愛借傳媒隔空傳情的態度截然不同。原來羅力威是不滿女友未有知會及得他同意,在電影《夜蒲 3》中跟型男韓模埋身肉搏,打爛

醋埕。

「其實雨僑都係去到韓國先知場戲係咁激,佢覺得既然都接咗,咪豁出去做囉!不過佢都知自己踩曬界,所以唔敢同男友報定案,後來羅力威睇到條 trailer好唔開心,兩個為咗件事嗌過幾次交,無睬成個幾月,而家仲冷戰緊。」知情者說。

拖實

二人歎完茶,鄭家星拖實當日仍未拆石膏的跛腳雨僑離開餐廳。

赤柱撐枱腳

二人撐枱腳,鄭家星價值三百多萬的林寶堅尼泊在路邊。

送返屋企

落車返屋企,鄭家星又再小心翼翼拖實雨僑落車。

月初,雨僑跟羅力威出席同一活動,不單唔肯合照,羅力威更全程嬲爆爆,擺明唔高興。

一一年五月,羅力威跟雨僑合作迷你演唱會撻著,當時二人在台上已經拖手合唱。

戰車接送

羅力威自動棄權,對雨僑有好感的東莞首富之子鄭家星,馬上乘虛而入。據了解,兩人在朋友聚會上認識,當晚鄭家星見受了腳傷跛嚇跛嚇的雨僑無人接送,於是主動送她回家,自此二人不時相約見面,愈行

愈埋。

記者日前發現雨僑跟鄭家星到拍拖勝地赤柱撐枱腳,當晚天氣又凍又大風,但兩人仍選擇到露天餐廳望海位置坐低,增加浪漫氣氛。

食風一粒鐘,鄭家星埋單後便細心扶實腳傷未癒的雨僑,登上停在餐廳門口,價值三百多萬的林寶堅尼,送對方返回海怡半島屋企。到埗後,雨僑在屋苑大門跟鄭家星再傾多五分鐘,才捨得道別返上樓。

雨僑跟羅力威未公開戀情前,二人鬼祟拍拖,只敢在停車場拖手。

鄭家星(左二)在《葉問 1》扮演小記者,他自言之後跟彭秀慧學戲惡補演技。

雨僑在新戲搏曬命,跟韓模一場泳池情慾戲激嬲羅力威。

電影《齊天大聖》早前在北京開發布會,有份演出的鄭家星(右一)也有出席,跟周潤發、甄子丹、郭富城等站台宣傳。

趣味相投

「 Carlson(鄭家星)雖然入咗行成年,但佢多數響台灣做嘢,冇乜機會喺香港啲公開活動見到雨僑,上次都係經朋友介紹,但兩個第一次見面已經好好傾,因為大家都鍾意唱歌同作曲;知道雨僑八級鋼琴,又係港大化學系畢業, Carlson對佢更加另眼相看,近排成日約出嚟見面。雨僑都覺得呢個男仔好有誠意,唔似一般富二代淨係玩唔做嘢,佢哋仲諗緊一齊作首歌,但點都要等雨僑隻腳完全好番先再打算。」知情者說。

去年入行,鄭家星主攻台灣市場,更被邀上小 S主持的《康熙來了》。

有富老豆打本開娛樂公司,鄭家星亦揼本出靚聲發燒碟,更在台北暢銷榜攞過 number one。

歌影太子爺

鄭強輝(中)是馬主,經常出現馬場。

現年 23歲的鄭家星,由老豆鄭強輝打本過百萬投資巨人娛樂公司,出過兩張唱片。鄭強輝有東莞首富之稱,坐擁 400億資產,是廣東黃河集團董事,投資業務包括汽車製造,電子產業及酒店業務。現任東方電影主席,曾投資電影包括令甄子丹出曬位的《葉問》系列;由郭富城、楊采妮主演的《浮城》以及即將上映有周潤發、甄子丹、郭富城坐鎮的賀歲片《大鬧天宮》,而鄭家星亦有份參演「哪吒」一角。



鍾意就快D Share啦!