娜姐真空集郵 金鐘國明年襲港開騷
前晚「Yahoo人氣大獎2013」頒獎典禮在會展舉行，韓國人氣綜藝節目《Running Man》（RM）主持之一金鐘國獲頒亞洲最具號召力韓國主持人獎，他在台上以流利英語表示得到首個海外獎項，感到很開心和有意義，還透露計劃明年來港開騷。問到明年會否來港拍攝RM特輯？他謂：「暫不知道，可能會有RM或其個人fans聚會。」表現友善的金鐘國除獲粉絲支持外，藝人亦粉粉向他集郵，包括周秀娜、G.E.M.、謝安琪、周柏豪等。
身穿黑色西裝褸、大騷事業線真空上陣的娜姐，表示已做足安全措施。對於她第五年奪得圖片搜尋次數最多人物及本地演員，娜姐笑說：「乜嘢相都好，我都好多謝大家咁掛住我，得閒上網搵嚇我。」
■打扮性感的娜姐表示已黐膠紙及打底，不擔心會爆鈕。
王維基封風雲人物
至於杜汶澤、蔡卓妍（阿Sa）先後獲頒亞洲最具號召力香港男、女藝人，講到無綫向知識產權署申請，以無綫台徽配上「香港電視」及「HKTV」為註冊商標，阿澤說：「我相信都係一啲商業決定，我哋呢啲小市民邊識咁多呢啲吖！」阿Sa則透露本月中會跟黃秋生合作以黑社會為題材的新片，當中有少許感情戲。
■人氣偶像金鐘國訪港，眾女星齊集郵，包括G.E.M.。微博圖片
■薛凱琪怕被人笑，著大家不要叫她做女神。
■蔡卓妍獲亞洲最具號召力香港女藝人。
此外，奪風雲人物的王維基在台上說：「多謝各位網民，我唔識唱歌，又唔識做戲，多謝大家嘅支持，希望有一次搵個機會，唔單只喺Yahoo呢個平台，可以喺電視機上面見到我哋嘅節目，多謝各位。」當王維基返回後台時，司儀森美說：「我哋希望你識做電視就已經夠喇！」
採訪：黃曉妍、藍文浩
攝影：陳慧安、陳順禎
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|
