掃呢頁CODE去手機

2013年12月4日 星期三

[FACE - 341 - 本地娛樂] 千金難買 黑面賀賭王 超蓮被唱貼吳克羣開鋪 超蓮,何超蓮,MF,




平日最好笑容嘅超蓮,老豆壽宴當晚冇乜笑容,仲掩住個肚,身體似乎唔多妥兼心事重重。

真面目

千金難買 黑面賀賭王 超蓮被唱貼吳克羣開鋪

賭王何鴻燊上週一( 25日) 92歲生日,各房連日來各自出招為賭王賀壽,四太梁安琪先為賭王安排一個熱鬧壽宴,至上週四( 28日)輪到三房,當大家都扮得靚靚出席壽宴時,超蓮卻黑面掩肚到賀,平日見記者都笑笑口的超蓮更連訪問都唔願做,據知又關男友吳克羣事喎!

上週六( 30日)吳克羣投資、位於台北的潮店「 Debrand」開張,有台灣雜誌就爆超蓮泵水台幣二千萬支助,嬲到吳克羣於微博上舉中指狂鬧,而超蓮更因此怕咗記者為此事追訪。二人將於本週六( 7日)同場現身東華活動,企埋一齊講會唔會好啲?

自 11年 8月超蓮空運到台灣暗會台星吳克羣後,二人關係日漸浮面,日前 34歲吳克羣更為宣傳位於台北的自家潮流時裝店,而罕有地自爆見過賭王。

全晚超蓮惟獨呢張相係有笑容,咁又係,全家幅點都要畀面嘅!

賭王壽宴翌日,超蓮見到記者,塊面仲黑過之前,叫吳克羣錫番囉!

超蓮掹衫尾釣蝦

吳克羣最近接受台灣傳媒訪問時稱去年與賭王在香港見面,雖然二人雞同鴨講,但克羣話唔緊張,「就是見一位伯父」。當知道要帶超蓮遊台灣前好緊張,但他引述超蓮當時說:「聽說你們滷肉飯很好吃,我還想逛夜市。」超蓮更曾坐吳克羣電單車尾去外雙溪釣蝦。吳克羣更大讚賭王千金:「她很值得珍惜」。

二人愛得癡纏,難怪早排有雜誌指超蓮注資二千萬台幣(約五百萬港幣)到吳克羣的新店時,吳克羣反應超大。上週四( 28日)超蓮到珍寶海鮮坊替老豆賭王賀壽都面黑黑,其間更因風吹亂頭髮而發脾氣大嗌,搵形象指導馬天佑「執番靚」先畀記者影相。不過吳克羣即將來港,相信超蓮應該好快笑番。

22/3

今年年初吳克羣來港拍劇,即使地點喺迪士尼咁遠,超蓮都買埋外賣入去畀男友,真係一啲千金小姐架子都冇。《蘋果日報》圖片

《蘋果日報》圖片

30/11

吳克羣的潮牌時裝店 Debrand上週六開幕,傳聞此店是超蓮打本畀男友開。

報道形容吳克羣食軟飯,他即扯火,馬上喺微博舉中指反擊。

千金都要捱

跟家姐超雲貪玩性格唔同,何家至靚的超蓮一直都好畀心機讀書,上年更以一級榮譽資格,於倫敦大學皇家霍洛威學院( Royal Holloway University of London)經濟系畢業。超蓮畢業後,更索性留喺倫敦工作。不過嬌生慣養嘅超蓮一個人留英打工始終都唔太習慣,間中都會喺微博呻嚇辛苦。其實最唔慣,可能係少見男友吳克羣啫!

千金小姐第一次出糧,勁 happy!

熱到瞓唔著,陰功豬超蓮仲有心情寫紙貼頭!

一臉正經著曬 suit返工,同平時表情多多賣「萌」嘅超蓮簡直兩個人。



鍾意就快D Share啦!