掃呢頁CODE去手機

2014年1月23日 星期四

[壹週刊 1246] 劉心悠鄭中基 鬥口臭 劉心悠,鄭中基,M1,




心悠 BB同鄭中基冇乜兩句,只係拍接吻戲前,傾咗一陣咁大把。

同你吟一吟

劉心悠鄭中基 鬥口臭

演員拍接吻戲之前,大多數都會做足準備,洋蔥大蒜一定唔食,埋位前擦牙𡁻香口膠更加唔少得,盡量保持口氣清新,以免臭親對手。上個禮拜六(一月十八日),鄭中基同劉心悠響中環拍新片《奇緣灰姑娘》外景,兩個要響眾目睽睽下當街嘴,早到一步嘅心悠 BB,歎住杯超大裝咖啡,之後到嘅鄭中基雖然話做咗老豆已經食少咗好多煙,但埋位前亦唔多覺眼佢食香口膠。

接吻戲三個 take導演就收貨,心悠 BB繼續歎咖啡,鄭中基就食支事後煙,兩位男女主角開工除咗各自有助手陪吹水,仲有咖啡、煙仔做精神食糧,之但係,以上兩款都係致口臭源喎!咦,臭臭!

條街企滿八卦路人,欣賞鄭中基點樣嘴心悠 BB。

拍嘴戲前,兩個完全冇做任何準備,心悠 BB繼續飲埋佢杯咖啡,鄭中基就食事後煙。

天寒地凍要著春裝拍戲,心悠叫曬兩個助手左右夾實佢,三文治式保暖。

鄭中基除咗可以享受心悠 BB嘅肉嘴,仲可以摸埋佢對肉腿,事關劇情要佢幫心悠 BB換鞋。



鍾意就快D Share啦!