掃呢頁CODE去手機

2014年2月5日 星期三

全城哀悼 元華:真係接受唔到 元華,

video


全城哀悼 元華:真係接受唔到

影星午馬病逝 元華:很愕然...完全不相信

元華:

一個月前見佢都好哋哋,又食得又講得嘢,突然間……都好愕然。同佢由邵氏合作到嘉禾,再由嘉禾合作到𠵱家。佢好灑脫、好低調,佢知道有病後煙酒都戒埋,見佢食得又開朗,我以為佢冇事,好番㖭。真係接受唔到,唔相信囉!



錢小豪:

佢係我大師兄,大家都係跟張徹出身,我哋有份參與《殭屍先生》,《殭》系列見一個走一個都幾恐怖!佢輩份高一輩,傾偈嫌我哋太細路仔,當時佢做埋導演度橋,開工都有講有笑。最近一次合作係拍張之亮《墨攻》,當時佢幾開朗精神,估唔到走咗。每年初四邵氏有聚會,噚晚孟海都唔知佢有事,今早收到消息都愕然。

翁虹:

難得是他面對人生中最後階段的日子裏,還堅持繼續做喜歡的事情;工作拍戲而不願意在病榻上度過!這是一種豁達、勇敢的態度!



劉心悠:

戲裏(港台劇《幸福的味道》)他演我的外公,很慈祥,照顧演員。很榮幸能有機會跟他合作。

馮德倫:

午馬San有幸和你合作過,一路好走。

劉兆銘:

佢係一個好出色嘅演員,好有戲德嘅朋友,非常樂觀、樂業專業,好老資格,但唔擺老資格,好平易近人。

徐偉棟:

細個跟Daddy(徐少強)出入片場都有見,仲有食飯、飲茶,好多時睇佢嘅戲。

李力持:

同午馬合作過電影《情聖》,當時周星馳度緊橋,午馬喺旁邊冇嘢做,我就叫午馬拍定啲萬用反應鏡頭,佢堅持要有用至拍,聽到入心入肺。

何麗全:

可惜,又少了一個人才。

黃秋生:

同午馬有好多合作機會,多到記唔曬,唔只香港,內地都好多,最後一次合作係《精武家庭》。唉!馬年又走一個馬,年紀大都冇法子。

元彪:

剛由新加坡返港就聽到呢個消息,午馬近年返內地拍戲多,我都唔知佢返咗香港,我同佢識好耐,係好多年朋友。



郭富城:

好突然!我第一部電影《飛越危牆》就係同午馬合作,佢教咗我好多嘢,之後就冇機會再合作。佢係一個好有實力嘅演藝人,好有經驗,係電影界損失,祝佢一路好走。

邵音音:

好傷心,唔講喇!

何潤東:

他脾氣好、記性好,很關心工作人員。他會去很開心的地方,不是受苦。



鍾意就快D Share啦!