掃呢頁CODE去手機

2014年3月13日 星期四

[壹週刊 1253] 一肚氣 怪經理人偏心 陳展鵬唔妥蕭正楠 蕭正楠,陳展,M1,




探熱針

一肚氣 怪經理人偏心 陳展鵬唔妥蕭正楠

做極都只算係二線頭的蕭正楠和陳展鵬,去年齊齊孭飛無綫劇集《巨輪》,攀越一線尾。不過,交際手段稍遜的陳展鵬,卻不如拍檔蕭正楠般得到曾勵珍和樂易玲歡心,獲兩大高層對外稱許。

偏偏兩人同屬一個經理人旗下,但蕭正楠不單有較多賺錢 job,更有機會拍王晶監製新劇《風雲天地》,又可以拍個人音樂特輯,陳展鵬一肚氣,並向人埋怨經理人大細超。

有心病

無綫小生、花旦嚴重流失,造就一班二線藝人水鬼升城隍,有機會做主角,最佳人辦有蕭正楠和陳展鵬。

去年二人一同孭飛合作劇集《巨輪》,有傳因為蕭正楠對外聲稱自己是第一男主角,令陳展鵬甚感不滿,二人開始有心病。

「煎 pan(陳展鵬)拍鍾嘉欣,照牌面睇佢先係第一男主角,不過阿 Win(蕭正楠)有珍姐同樂大媽撐,俾膽佢喺外面話自己係男一,煎 pan穀住道氣,雖然佢冇公開嘈曬,但都有同兩、三個幕後呻過。」一名幕後人員說。

蕭正楠同陳展鵬自拍罷《巨輪》後,兩人自始有心病。

蕭正楠(中)一劇接一劇,去年 8月經理人為他攝期接拍王晶監製的合拍劇《風雲天地》。

冇人吼

憑《巨輪》入屋的蕭正楠,去年底孖住胡杏兒出席內地商場開幕剪綵。

《巨輪》之後,劇中做好仔的蕭正楠入曬屋,商演、活動數量大增;反而見報率較高的陳展鵬無人吼!

搵銀機會不及人之外,當陳展鵬收到風知道蕭正楠有份演出王晶監製的合拍劇《風雲天地》後,更加認定經理人 Kenneth大細超,好嘢全部益曬同組的蕭正楠。

「煎 pan同過幾個監製呻過,話經理人偏心阿 Win,但事實大家都有眼睇, Kenneth每次都係安排佢兩個一齊出 function,只係阿 Win比較入屋,啲客點名搵佢,俾錢嘅話事,經理人都控制唔到;阿 Win可以拍晶哥套劇都係一樣, Kenneth只係度期配合,佢根本影響唔到晶哥用邊個演員,咁又點算偏幫呀!大家聽完反而覺得煎 pan小家!」知情者說。

重見天日

陳展鵬雖然不及蕭正楠受客戶歡迎,但仍獲高層曾勵珍歡心。

原由吳卓羲、蒙嘉慧擔正的新劇《叛逃》,陳展鵬因為冧得掂珍姐,戲份獲一加再加,可惜其時(一一年)曾勵珍陣營的劇集收視連挫,《叛逃》被迫抽起變倉底貨。因為陳展鵬要坐歪的吳卓羲曾語帶雙關:「我實賴佢(陳展鵬),嗰陣傳珍姐加佢戲份力捧,我冇乜戲㗎,所以唔關我事!」

劇集收埋兩年,如今曾勵珍獨攬大權,《叛逃》已安排出街,陳展鵬投向曾勵珍,總算無押錯注!

本月初蕭正楠、陳展鵬同有份演出《巨輪》的視後田蕊妮、李司棋,到雲頂登台。

去年中蕭正楠同何傲芝拍拖行街斷正,戀情見光不夠一年,兩人分手收場,有報導指男方收回送給女友代步的寶馬。

11年拍《叛徒》,有指陳展鵬冧掂高層加戲,惹來吳卓羲不滿,收埋兩年的倉底貨,將於本月中首播。

拍《巨輪》期間,陳展鵬出力追鍾嘉欣,緋聞更日日見報,卻無助陳展鵬搵錢機會。

客戶心水選

在無綫經理人部屬同組的蕭正楠和陳展鵬,雖然於《巨輪》中一齊孭重飛,但講到接賺快錢活動密度,蕭正楠明顯拋離煎 pan。



鍾意就快D Share啦!