掃呢頁CODE去手機

2014年3月20日 星期四

[壹週刊 1254] 貨不對辦 樂易玲老點何超儀 超儀,何超,樂易玲,何超儀,M1,




在新劇拍二線的王浩信做一對,埋位拍攝,超儀才唧出半點笑容。

探熱針

貨不對辦 樂易玲老點何超儀

幾番被削權,在無綫今時不同往日的樂易玲,見班「親生仔女」唔俾面,唯有變陣搵外援。去年底,成功氹掂賭王千金何超儀答應拍無綫劇,講明角色度身訂造,劇集會安排台慶月黃金檔出街。

點知貨不對辦!超儀埋位後始發覺徐子珊才是真正女一,加上盛傳樂易玲將由六嬸接收,安插入邵氏搞電影,在無綫大勢已去,經她沾手的隨時變成籮底橙。擺明俾人氹入局,何超儀嬲爆。










撞曬期

近日盛傳樂易玲有六嬸收留,過邵氏搞電影。

何超儀自資成立的 852電影,公司投資開拍的新片《全力扣剎》已經殺埋身,但她依然分身接拍無綫劇《再戰明天》,日踩夜踩,○○年拍過《創世紀Ⅱ》後,隔十四年再捱更抵夜拍劇,全拜樂易玲所賜。

「大媽以前啲愛將個個都話走,冇牙力留唔到人,佢咪變陣喺出面搵外援囉!其實年幾前已經係咁𦧲超儀幫無綫拍劇,超儀次次都推,舊年尾大媽又舊事重提,話個角色係度身訂造,好有發揮,仲應承一定會安排做台慶劇,講到實牙實齒,超儀咪心軟應承!」知情者說。

無綫突然通知,二月要埋位,超儀諗唔到撞正自己公司投資的新片拍攝期,但見有言在先,唯有辛苦啲頂硬上。

「超儀都係唔想搞到樂易玲,點知佢講義氣,人哋就兒戲。開拍第一日已經飛紙仔,完全無劇本,乜都要臨時執生!後來先知編劇係外判嘅,連劇情都唔通,啲演員識飛都無用!」

賣豬仔

開工倒瀉籮蟹外,劇集更不是樂易玲所講由何超儀孭重飛。

「樂易玲講到超儀個角色係女主角,全劇最出係佢,埋位先知徐子珊先係女一,同超儀拍檔嘅只係王浩信,男主角吳啟華連對手戲都無,只係有場口同場。樂易玲而家對超儀都轉曬口,話套劇未決定幾時出街,加上出面傳佢就快走,喺公司根本冇 say,超儀呢鋪明俾人賣豬仔,唔㷫就假!」

大勢已去,有指被餘詠珊、曾勵珍聯手打壓的樂易玲,過去一年曾先後向寰亞、 NOW敲門。「佢同寰亞有傾過,但最後人哋請咗林珊珊,早排佢同何麗全探路入 NOW,不過亦有人話六嬸會接收佢,嗌佢過邵氏搞戲。」知情者說。

等埋位,超儀睇劇本,隔籬的徐子珊就掛住補妝。

全體演員拍大合照,個個笑曬口,唯獨超儀木無表情。

在灣仔添馬公園拍外景,食風兩粒幾鐘,超儀明顯謝曬。

超儀出動自己的七人車開工,髮型化妝都係自己貼。

冇靚位

過得一日得一日,最近樂易玲連無綫的高層車位亦保唔住。

「樂大媽個車位原本係同餘詠珊、珍姐差唔多位置,都係近住電梯位,但佢個靚位已經俾人收番,掟咗佢去比較遠嗰邊。」一名無綫人說。

同一時間,超儀要趕拍電影《全力扣剎》,瞓覺時間都唔夠。

樂易玲失勢,愛將林峯鄭嘉穎與她的關係亦不如從前。

棄將

餘詠珊有殼王照,甚至插手藝員部,樂易玲全面失勢。

03年,在方逸華欽點下,樂易玲加入無綫接管藝員部,成為製作資源部總監,旗下藝人超過 800人,大媽所到之處,都有大班藝人簇擁,每年生日大搞,小生花旦爭住送禮。

直至餘詠珊 12年加入任非戲劇製作部總監(綜藝科總監)一職,兩位高層大鬥法,有殼王照的餘詠珊派系日益坐大,樂易玲開始失勢,加上昔日愛將林峯、陳法拉等「親生仔女」紛紛唔肯續約,製作部開劇冇人用,投訴樂易玲縱容鄭嘉穎等藝人長期留大陸拍劇賺錢,四面楚歌,但大媽逆來順受等退休,唔願走。

有指無綫一度打算將樂易玲調去上海 tvbc,但卻被 tvbc所拒。



鍾意就快D Share啦!