2014年3月31日星期一

Eason俾發展局「擺上枱」 sosad！ Eason,陳奕迅,

「Don't」字幾多個t？ Eason同範國威爭做萬能key

2014-03-31 22:26:00

自從為WWF「影」咗張相……呼籲大家使用公共交通工具，環保啲，愛地球多啲，但就因為KEY圖嗰個太「求其」，令Eason臂彎內則兩撻「白地」都現埋出嚟，令Eason慘變「萬能key」，由港鐵到太空艙，都見到Eason連白地。

噚晚香港同鄰近地區都經歷咗風雨飄搖嘅一夜，Eason亦難逃一key，俾人key咗落又一城呼籲大家去嗰度睇水舞間，真箇是苦中作樂。勢估唔到，就連政府公共機構——發展局嘅FB，都抽Eason水，將佢嗰張「連白地」嘅相漫畫化，用嚟呼籲大家天氣惡劣遠離危險斜坡，成張改圖跟足WWF嗰張，仲用埋「你懂的..」，跟足網民潮語，「與時並進」，只係可憐Eason又「中槍」了……亦有網民質疑呢張「二次創作」係政府自打嘴巴，yes，冇錯，就係陳鑑林呢句:「你有本事就自己創作，為何要搞人家的照片？」

政府一方面「聲稱」鼓勵創意工業，但之前又唔肯豁免「戲仿」、「諷刺」等二次創作手法，想用網絡廿三條限制網民創作自由。雖然依家話可以啫，但今次呢張Eason惡搞圖，又算唔算自打嘴巴？

講開政府，今日FB瘋傳一張政府嘅道路安全提示，溫馨提示大家，開車前咪飲，不過……唔知係冇校對，定係寫呢個廣告嘅人飲咗酒嚟，「Don't」，後面多咗個「t」。有網民笑言:「means don't don't drive = drive」，即係負負得正？亦有網民笑言多個「t」係加強語氣之用。

不過呢，Eason呢個萬能key，睇嚟可以休息一下，因為有佢……咖喱飯——範國威今日頂咗佢個位。佢個fb今日貼咗「張範國威議員試用滑板場，技巧明顯不足。」不解釋，自己睇圖。