千嬅四両缽千斤撼露背JM
眾女星昨日盛裝出席「影視娛樂博覽」各活動，然而楊千嬅大曬香肩、文詠珊（JM）展露玉背，風頭卻被驚現「湯碗胸」的前亞姐顏子菲掩蓋，加上陳鈺芸（JuJu）無厘頭於紅地氈上起飛腳露底，令人側目。而千嬅之前以另一套衫出席新片記招時，以一招四両「缽」千斤，露出下截「缽仔糕」，終成焦點所在。
一年一度娛圈盛事第十屆「影視娛樂博覽」昨揭開序幕，女星爭妍鬥麗一番，無綫咪神高海寧、性感女星陳靜（DaDa）本令人充滿期待，可是卻不約而同密實封胸。相反JM與惠英紅卻同以露背裝搶鏡，後者更「中門大開」吸睛，至於以「X裝」現身活動的千嬅活動期間竟被發現「缽仔糕」跌落外露的尷尬場面，認真老貓燒鬚。綜觀各女星表現，卻以顏子菲的桃紅色超Deep V最為矚目，「湯碗胸」凸圍而出，隨即成為是日風頭躉。
疑似露「波底」的千嬅聞言反應甚大：「乜嘢（露）半楷呀？橙咩！我用咗膠紙打底o架！（老公唔畀你性感？）點會呀，佢係做品牌o架，佢只會話我行路行得喪；我就嫌佢乜都要快，未食完就嗌埋單，喂，我仲食緊o架！」
顏子菲搶小花鏡
顏子菲被記者取笑擁「變幻身材」時，她竟幽自己一默謂：「我啱啱去完韓國嘛。今次代表亞視出席國際盛事，扮靚啲都想大家注意到，然後有機會衝出香港，去第二度拍戲。（搶曬無綫小花鏡喎。）佢哋平日性感開嘛，我要長時間warm up，今日都有拉嚇筋。」
至於高海寧因收起性感而跌watt，不敵前亞姐，她與陳凱琳齊齊接受訪問時謂：「我哋從來冇輸過喎，我今日嚟sell可愛嘅。」陳凱琳即附和說：「佢真係幾可愛，總之大家都靚啦，只係唔同style，我哋走型格路線。」
輪到陳鈺芸盛裝踏上昨晚的紅地氈，或許明知打女難敵肉女，竟突然high爆大展拳腳，更不理穿著裙子露出打底褲，如此搏命，值得吸引眾人目光。
JM黐膠紙防走光
JM與惠英紅孖住做訪問，談到身上晚裝設計如出一轍，二人笑指彼此心有靈犀。戴上逾150萬Chaumet珠寶的JM直指身上黐滿膠紙防走光，小紅則大方自爆：「我冇打底喎，件衫剪裁咁貼，冇得走光，要走都冇嘢睇啦。（你哋主演套電影3級上映，變咗3級女星喎。）乜話？3級巨星？不嬲都係喎！（3級女星呀！）諗諗嚇真係第1次，係林雪啲粗口對白拖累，我都有爆粗，不過得兩個字啫。」
DaDa則是出席《Ｚ風暴》記者會，身穿黑色低胸連身裙的她微露事業線，卻遠不如平日性感，本月22日25歲牛一的她，透露剛從日本度假返港，生日願望是新片票房大賣。
文：影視組
|
鍾意就快D Share啦！
|
|
|
