掃呢頁CODE去手機

2014年4月24日 星期四

[壹週刊 1259] 大肚陳伶俐 拖老公遊街 M1,




同富商劉頌銘結婚兩年,陳伶俐肚皮終於有聲氣,成功為劉家開枝散葉。

探熱針

大肚陳伶俐 拖老公遊街

自從○八年跟林敏驄結束十年婚姻,獲兩個囝囝撫養權的陳伶俐,一二年成功覓得第二春,下嫁新加坡隱形富商劉頌銘,婚後一直為劉家積極造人。今年初,陳伶俐肚皮終於爭氣,上週三(四月十六日),腹大便便的她孖住老公出巡,著住鬆身衫巨肚更無所遁形。











奶奶撐腰

據知,陳伶俐自嫁入豪門後,一直深得奶奶歡心,早年劉頌銘被發現到蘭桂坊偷食,與落選港姐李影珊車廂激嘴,事後劉老太代新抱出頭擺平事件,陳伶俐亦答應老人家,盡快為劉家開枝散葉,箍實老公。

「劉老太份人好隨和,難得佢唔嫌棄伶俐嫁過人又帶住兩個仔,老人家淨係恨抱孫,加上伶俐老公係大仔,兩老自然想佢哋快啲繼後香燈,而家伶俐有咗,劉家上下更加錫曬佢。」知情者說。



兩公婆由中環拍拖到上環開餐,腹大便便的陳伶俐行到半路已索曬氣。

等位期間,劉頌銘竟唔顧老婆大肚,在旁邊食煙。

在食店坐低後,陳伶俐等老公發辦點菜。

大肚婆相當好胃口,獨自扒了一個盅頭飯。

嫁入豪門後,陳伶俐行奶奶政策,深得對方歡心。

跟得老公

佗住金笸籮,加上有奶奶撐腰,劉頌銘唔敢再亂嚟,全天候做跟得老公。上週三(四月十六日)晚上七點,劉頌銘陪實老婆到中環修甲,當日著住鬆身衫、平底鞋的陳伶俐,佗 B後上圍明顯升 cup,身形亦發福不少。整完指甲,兩公婆再由中環漫步到上環蘇杭街的「聚點坊」撐枱腳,陳伶俐全程繑實老公手臂,沿路有講有笑,相當恩愛。

在食店門口等位,劉頌銘趁有時間扯支「飯前煙」,大肚陳伶俐未有行開一邊,黐實老公食二手煙。終於有位坐,劉頌銘負責點菜,但陳伶俐唔夠飽,食完個盅頭飯,仲要叫多幾碟點心醫肚。

約四十五分鐘後,二人食飽離開,眼利陳伶俐馬上發現記者,於是搵老公做擋箭牌,繼而用手袋遮住巨肚,再急急腳行去攞車離開。

陳伶俐的身材明顯發福不少,著住鬆身 tee,依然遮唔住巨躉。

發現記者影相,陳伶俐推老公行先,繼而用手袋遮肚。

連環勾佬

98年,陳伶俐因工作關係認識林敏驄,婚後育有兩子; 08年爆出陳伶俐連環勾佬事件,趁林敏驄北上搵銀高調偷食,同時搭上開越南餐館的麻將腳李成文,以及任職股票行的有婦之夫「禿頭 Peter」。有指陳伶俐與李成文曾同遊澳洲,又跟 Peter學炒股賺外快,其後二人偷情對話流出, Peter太太更入稟告二人通姦。成頂綠帽笠到落腳,林敏驄無奈之下在 08年宣布同陳伶俐離婚,兩名兒子撫養權則歸前妻擁有。

陳伶俐同林敏聰結婚後誕下兩名資優子林肯及林善,後來爆出連環勾佬事件,終離婚收場。



鍾意就快D Share啦!