【新馬神誕生】馬德鐘囝囝馬在驤 15歲高1.85米 !
2014-04-01 21:22:00
娜姐（左）話自己肥咗？千語（右）再瘦咗咋啩！（ 攝影：陳志嵐）
周秀娜、吳千語、馬德鐘、台灣組合Lollipop F嘅其中兩位成員小煜同阿緯等，今晚喺金鐘出席「瑪利嘉兒國際美妝大獎暨大中華特別獎典禮」。
早排變咗「瘦骨仙」嘅娜姐，終於成功增磅，佢話：「之前同鄭伊健拍微電影《分手100次》，因為係傷感戲，拍完個人開心番曬，咪肥番少少。」佢又話因為拍咗《分》片，令佢想搞咖啡店生意，0依家物色緊合資者。
同場嘅吳千語就著咗透明膠裙露bra top，佢笑住咁話將來結婚，就唔會著性感婚紗喇喎。
馬德鐘個仔馬在驤就好叻叻，喺上海參加遊泳比賽連獲7金，馬神話：「全球法國國際學校派出代表去到上海參賽，我個仔代表香港，我覺得佢仲可以進步，我都覺開心，呢個係佢最好成績。」咁謙虛？梗係，得15歲仔，之後大把世界不過都可以有啲獎勵啩？馬神就話:「冇喎，個仔返到嚟淨係話想食豬扒飯。」
馬在驤0依家雖然得15歲，但已經有成1米85，仲高過老竇馬神，有網民封囝囝做「新馬神」，馬神又點睇:「嚇？好奇怪喎!」哈，難怪，點可以俾自己個仔搶自己個神級地位吖！
誰是真馬神？(右邊嗰位高啲0架！)
真係肥咗？手臂？條腰？定係...
千語BB個玉背。
娜姐想開咖啡店呀，各位有志之士識do
嘩!!!!! 巧高呀真係!!!!
馬在驤（右）遊水囊括7金型仔look vs 舊馬神半裸look
估嚇誰是新舊馬神？
囝囝馬在驤被封為新馬神，老竇馬德鐘聞言反應甚大：「嚇？好奇怪喎!」
|
鍾意就快D Share啦！
|
|
|
