[忽然1周 980] 嚴守色戒防男友衝動 𡃁版李若彤(陳嘉寶)：會叫佢忍 MW,

當街拖手

周日（ 4日）晚，陳嘉寶出席完宣傳活動，即急會男友兼拖手仔，完全冇避忌。

娛樂喧

嚴守色戒防男友衝動　𡃁版李若彤：會叫佢忍

《膠遊記》劣評如潮，變相令 9點半時段的中女劇受人注意，劇中扮演一班主角的少女版演員由於演出生動，成功突圍。飾演「𡃁版李若彤」的陳嘉寶（ Anjaylia），今年 24歲，近日自爆有初戀，其 32歲男友 Epaphras黃頌祈有半億家底。不過男方遭踢爆曾犯刑事恐嚇兼盜竊有案底，純情玉女隨時俾人呃。身為虔誠基督徒的她，除了勸男友勿再躁底，更要對方嚴守色戒，對此她不諱言：「我會叫佢忍。」

其他影片： >>守戒唔防男女衝動　𡃁版李若彤：會叫佢忍 >>𡃁版袁潔瑩激似何韻詩

代表作

陳嘉寶繼拍邦民廣告後，在大台劇演活了「少女版李若彤」，戲份頗重，令人印象深刻。

憑「邦民女」形象入屋的陳嘉寶（ Anjaylia），樣貌清純。她與父母同住將軍澳寶林邨 400呎單位。早年她曾與好姊妹蔡穎恩、「模媽」 Mia等組新 8模出過寫真，不過陳嘉寶沒有賣弄性感，屬於較保守一個。

畢業後嚐初戀

保守，皆因陳嘉寶是虔誠基督徒。她近日初嚐拍拖滋味，男友 Epaphras黃頌祈是金融才俊兼家住逾千萬天後物業，身家半億。據她的身邊人透露：「 Anjay（陳嘉寶）爸爸供佢讀樹仁要 30萬學費， Anjay為咗爭氣，一早應承屋企人讀完大學先會拍拖。嗰時讀 Year 1，已經有好多觀音兵圍住佢，但 Anjay都無動於衷。而 Epaphras因為同 Anjay返同一個教會，所以近水樓台，不過佢都等到 Anjay畢業之後先同佢拍拖。」

自認守戒

周二（ 6日）中午，陳嘉寶在寓所樓下接受本刊訪問。她表示自己要堅拒婚前性行為，但坦言恨嫁，以生兩個 BB為目標。

男友想結婚

同日上午，陳嘉寶男友 Epaphras到大埔三門仔玩 wakeboard，對於曾犯事留有案底，他坦言怕影響女友：「佢好乖，我以後都會乖，因為真心想同佢結婚。」

嚴守貞操

拍拖半年，雖然戀情穩定，由於陳嘉寶是虔誠基督徒，因此亦要拒絕婚前性行為。據知情人士透露：「 Anjay同 Epaphras講，一定要結婚之後先可以有， Epaphras就梗係心急啦，始終男仔易衝動！佢直情同女友講，想同佢下年結婚，不過 Anjay唔制之嘛！」

周二（ 6日），本刊分別訪問陳嘉寶及其男友。男友坦言恨結婚：「我真心想同佢（陳嘉寶）結婚，不過都要睇佢想唔想。」至於陳嘉寶，則表明對男友持觀望態度。對於男友血氣方剛易出事，陳嘉寶不諱言：「我唔知佢點喎，我自己就冇呢個問題。總之依家唔可以，我會叫佢忍！（男友話想同你結婚？）結婚一定會，我嘅目標係生兩個！」對於男友曾犯刑事恐嚇和盜竊罪，陳坦言：「我一早知佢嘅嘢，不過都好多年前嘅事。佢依家信咗教，已經乖咗好多」

同行還有劇中其他新演員做電燈膽，包括「少女版張慧儀」賴慰玲（左一），可見陳嘉寶樂於同好友開心 share拍拖事。

深夜返歸

拍拖至深夜，男友才送陳嘉寶返回將軍澳寶林邨寓所。乖乖女，沒有到男友家過夜。

慳家為養家

陳嘉寶在劇中首次穿三點式上陣；去年與李治廷拍其新歌〈不可思議〉 MV（小圖）時，更被奪熒幕初吻。

在公屋住了 24年的陳嘉寶，自小夢想是買樓給父母住，據一名她的舊同學透露：「我哋以前一放假就約成班同學去街，但 Anjay例牌唔 join，就算放學話一齊去踩冰同食嘢，佢都話要返屋企，佢話唔想屋企人嘥錢！記得中三嗰年我哋學校搞遊學團，去澳洲 18日，要成 3萬蚊， Anjay唔想屋企人負擔咁重，足足捱咗成年麵包，儲起啲零用錢去遊學。」對於要揹起頭家，陳嘉寶表示：「爸爸媽媽始終年紀大，我都想佢哋過得好啲，自己目標梗係想買樓啦，等佢哋過得舒服啲。」

會考 18分

陳嘉寶（ Anjaylia）就讀於將軍澳迦密主恩中學，會考取得 18分成績，打破𡃁模讀書唔成的梗局。在樹仁大學新聞傳理系畢業的她，在讀書時甚少缺課，據同班同學表示，陳工作後寧願不卸妝，亦要準時返學校上課。

陳嘉寶有個大她 16年的家姐，早年已出嫁，並組織自己家庭，父母則是退休狀態，因此經濟重擔便落在她一人身上。陳自小就同父母住喺寶林邨，十分節儉，出來工作後更會每月俾家用父母，成為一家經濟支柱。

得意大眼妹

屬 90後的陳嘉寶，為家中孻女，眼大大的她，細個時十分標致。

旅行大解放

即使出寫真仍堅持唔著三點式的陳嘉寶，早前去泰國旅行時，忽然著上小背心，絕對係物以罕為貴。

邦民妹身價三級跳

陳嘉寶讀書時期已兼職做 model，幫補家計，因做邦民妹而令人印象深刻。由於人氣攀升，據知其所接的邦民廣告，身酬由最初只得 10萬跳升至現時 80萬一年，相信好快儲到首期囉！

小吱喳喪跑減 23磅

陳嘉寶為養家死做爛做，同樣要揹起頭家的，還有在劇中飾演少女版袁潔瑩的「小吱喳」吳嘉熙（ Cheronna）。本身是女子跳舞組合 Super Girls成員的她，為家中獨女，家住紅磡崇潔街私樓，雖然環境較住公屋的陳嘉寶好，但由於父母同樣已退休，因此亦要獨力揹起經濟重擔。

吳嘉熙百分百 made in HK，但在中六時，父母卻要她接受強國教育，到北京的師範大學修公共關係科。她本身屬肥底，高峰期試過 138磅，被同學改花名叫做「暴龍」。她坦言：「小學嗰陣已經食兩大碗飯，去到大陸讀書，嗰邊又多嘢食，所以咪冇節制咁食囉！」

上周三（ 4月 30日），成功減磅至 115磅的吳嘉熙，十指緊扣老竇現身老銅，以新生代嚟講，絕對少見。

不再肥妹

上月 29日中午，減肥成功的吳嘉熙，在開工前穿起一身專業跑步裝束，獨自跑步露腰兼臍環，十分性感。

與父親感情要好的吳嘉熙，雖然已經 25歲，但平日仍會與爸爸十指緊扣行街， so sweet。

吳嘉熙在劇中飾袁潔瑩的後生版，但被指勁似何韻詩，真吊詭。

網民評似何韻詩

嫩女愛夜蒲

大台中女劇令一班少女版新人彈起，至於被封為「新一代少男殺手」的王敏奕和陳瀅，一個係國產女，一個係 CBC，不過同樣喜愛夜蒲！

王敏奕集郵女王

飾演少女李麗珍的王敏奕（ Venus），今年二十二歲，在廣州出生，曾參與電影《超級經理人》及《 Diva華麗之後》，另外亦有多個廣告代言。她原來私底下相當 open，除了激咀曾志偉個仔，亦喜愛到夜場集郵。在其 instagram發現，她與不同型男合照之餘，更寫上 babies collection字眼。

陳瀅爆粗蒲精

飾演少女陳慧珊的陳瀅，今年二十四歲，在加拿大出生，畢業於不列顛哥倫比亞大學，曾拍過《寒戰》及《盜馬記》等電影。她同樣喜愛夜蒲，在其 instagram，有不少夜場攬仔相，更有 fycked up粗口字眼。

鍾意就快D Share啦！

下一篇 》