掃呢頁CODE去手機

2014年5月16日 星期五

[忽然1周 981] 廣告小天后 樂悠悠母親節玩海獅 樂悠悠,楊凱凝,MW,




被嚇親

Celine最初唔怕海獅,仲大大聲扮海獅叫。但和海獅近距離接觸時,海獅忽然大力吸氣,嚇到 Celine彈開,過咗一陣至敢同海獅合照。

娛樂喧

廣告小天後 樂悠悠母親節玩海獅

「美心妹妹」楊凱凝( Celine)最近因拍劇飾演樂悠悠爆紅。這位年僅 5歲的小童星,深得廣告商喜愛,出道短短三年已拍過 40多個廣告,成為新一代廣告小天後。

三年賺六位數字的 Celine,十分孝順。上周六( 10日)與媽咪去海洋公園睇海獅,預祝母親節。雖然 Celine年紀小小已是小富婆,但楊母卻從不嬌縱愛女,也強調不會給予她過分的物質享受,更希望愛女自小學懂獨立。楊母說︰「個女自細好有表演慾,初時拍嘢係俾佢玩嚇!點知佢愈拍愈鍾意。」











「啖啖蘿蔔、美心瑤柱蘿蔔糕,好味!」去年熱播的美心賀年廣告, Celine憑精靈面孔令人留下深刻印象。而其後牛欄牌奶粉、麥當勞、港鐵等多個廣告亦接踵而來,加上在大台劇飾演黃浩然女兒搶鏡,令 Celine三年賺六位數字。

楊太說:「 Celine好聽話,所以好多哥哥姐姐一有工作都會推薦佢。我俾 Celine拍廣告嘅出發點,係想佢開心同識多啲嘢。我會幫囡囡將全部錢儲入教育基金,唔會特別買玩具、衣物俾囡囡,因為我唔想佢太注重物質。」

楊太指個女精力好充沛,成日問有冇嘢拍。她說︰「個女冇時停,拍完劇人哋嗌收工佢都唔捨得走。監製好好,會車埋我哋返屋企。我心態係俾佢試多啲嘢,有時做完 job會送啲興趣班,俾佢接觸到一些常人接觸唔到嘅事物,佢學到待人接物同人生經驗,遠遠比錢重要。」

母女自拍

入到水族館, Celine十分開心,仲捉住媽咪玩自拍。

《留言》出位

Celine劇中的父親黃浩然,都忍唔住話:「未有童星咁重戲份。」黃浩然同黃翠如不時𠱁佢玩, Celine現在仍有和黃翠如短訊聯絡。

初上位

在去年的美心賀年廣告, Celine只有短短 15秒曝光,但可愛演出已令她成功彈起。

Ada讚乖

Celine獲蔡少芬點名,為其自家品牌童裝出席活動。蔡少芬在拍攝時仲教 Celine點擺 pose令雙腳睇落長啲, Celine鍾意到蔡少芬爆燈。

睇海獅賀母親節

Celine很懂事,知道媽咪最愛海獅,便於上周六( 10日)與媽咪及記者,去海洋公園預祝母親節,齊齊睇水母、和海獅合照。沿路 Celine十分雀躍,不少遊客認得她要求合照,她亦不怕生暴,與 fans拖手談天,童真滿載。

不過 Celine樂極大意,因為貪玩踩入水氹,搞到波鞋濕曬。 Celine想換鞋,但楊太就嚴母上身話:「係你自己貪玩,依家濕咗你要自己承擔後果。」記者見狀亦代為求情,豈料楊太企硬:「我想 Celine學懂獨立,做錯事要自己反省。」不過 Celine亦冇扭計,記者讚佢叻,她指著媽媽,老積說:「佢教得我好好!我最錫媽咪!」咁識賣口乖,難怪媽咪錫到燶。

記者眼中, Celine好有家教,醒目又童真。楊母透露,當女兒見到記者電話 WhatsApp頭像是美少女戰士變身器時,便嚷著要和美少女戰士傾偈。當她見到記者時,更搞笑說︰「點解你有變身器,唔通你係美少女戰士?」

愛水母

Celine原來最想睇水母,入館前,她更興奮到跳起。入館後,她靜靜觀看水母達 5、 6分鐘。

鬧喊個女心痛

雖然母女感情要好,不過拍攝《愛我請留言》時,其中有幾場戲要 Celine痛哭,楊太要親自鬧喊愛女:「為咗令佢喊得逼真,我要無端端鬧佢,又呃佢話丟咗爸爸俾佢架單車。 Celine覺得明明冇做錯都要俾人鬧,委屈到狂喊。我事後梗係有同佢解釋,但因為喊戲分開幾次拍,老實講我心都痛埋。」 Celine亦謂:「媽咪一鬧我就喊,但拍完哥哥姐姐讚我,我就會笑番!」

拍劇要喊到七彩,為甚麼 Celine還要拍? Celine話:「拍劇好開心,好多人陪我玩,我拍到唔想收工,『波鞋爸爸』(指黃浩然)成日同我玩『超人飛』。(點解你背對白咁叻?)『波鞋爸爸』拍之前會陪我試幾次。」

笑細佬

熊貓愛睡覺, Celine忽然指住熊貓話:「佢成日瞓,好似細佬!」之後又扮熊貓瞓覺,十分搞笑。

遊泳會以 Celine的角色「樂悠悠」命名,更找來 Celine做代言。 Celine獲免費單人教學,現時她已經識用浮板遊水。

童星爆 seed

由於童星不多,被激讚的童星,表演機會分分鐘多過花旦小生。近年除咗 Celine,就以譚真一、鄭耀軒及李汶桂三位童星較為突出。

鄭耀軒

5歲的鄭耀軒在《熟男有惑》中飾演曹永廉兒子而令觀眾認識。有「小柏林」稱號的他,歲半已經拍廣告,之後再跳進電視,拍過《當旺爸爸》、《愛我請留言》及《雷霆掃毒》。

李汶桂

9歲的李汶桂在《香港仔》飾演古天樂和梁詠琪的囡囡。首次演戲的她表現自然,戲中雖然要扮醜角,但她表示為了拍戲並唔介意。

譚真一

現時十歲的譚真一,身形肥嘟嘟,口甜舌滑,記性又好,四歲已經入行,第一部劇集是 07年的《師奶股神》,後來在電影《殺人犯》的表現更令人激賞。



鍾意就快D Share啦!