[壹週刊 1261] 搵到生路 拜世界冠軍為師 梁雨恩轉做鏢手 梁雨恩,M1,

準備孖師傅、世界級飛鏢冠軍 Paul Lim到韓國表演賽出戰的她狂操鏢，之後她在該賽事中得亞軍。

探熱針

搵到生路　拜世界冠軍為師　梁雨恩轉做鏢手

出道被稱翻版徐子淇的梁雨恩，○七年挾住官恩娜師妹身份加入娛圈，起跑表現不俗，但之後遭公司雪藏，更一度轉行賣麵。在幕前無聲無息，但卻在另一界別搵到路，被飛鏢世界冠軍收為徒，掟鏢掟出錢途。捱咗七年，梁雨恩終於中鏢。

鏢界優才

現年二十九歲的梁雨恩，○九年與經理人公司意見不合遭雪藏，手停口停，養家的她，要拋頭露面，街頭賣麵。之後簽約星皓，仍無法扭轉逆勢，繼續浮沉。

回復自由身後，梁雨恩竟在運動界殺出一條血路。數月前，她以業餘身份在港參加國際飛鏢 ADA比賽，在高級女子組撼低多個國家選手，贏得季軍。

近年有不少歌手都迷上掟飛鏢，包括陳柏宇、 Steven（張致恆）、洪傑及太子鐘錶太子女朱紫嬈等，但梁雨恩的成績卻一枝獨秀。

據了解鏢齡只有年多的梁雨恩，在鏢界屬「資優生」，更被世界冠軍、新加坡鏢手 Paul Lim睇中，去年收她為徒。有天分加名師指點下，梁雨恩在飛鏢界火速上位，躋身只差一級就到頂級 SA的 AA級別，比一般要花五至七年才能進身 AA級別的香港女鏢手，快人一步，甚至有機會為飛鏢品牌 DARTSLIVE做代言人，響曬朵。

當年出道走玉女路線的梁雨恩，同師姐官恩娜一樣，好冧宅男。

鏢界女神

玩飛鏢只有年多的梁雨恩，數月前在香港參加國際賽撼低十多個國家對手，得女子個人組季軍，更被封鏢界女神。

師傅讚品好

早前，梁雨恩與師傅 Paul Lim到尖沙咀操鏢，要同師傅較量，依然氣定神閒。據指， Paul Lim在鏢界出名門檻高又嚴格，向他敲門拜師不得要領的大有人在，多年來他只收了兩個徒弟，其中一個就是梁雨恩。有指梁雨恩潛質高外，性格好亦是 Paul Lim肯收她為徒的原因。

「上年有個朋友打俾我，話有個女仔好有天分，叫我睇嚇。記得當日我去咗睇 Cathey掟鏢，之後佢送咗張簽名 CD俾我，我先知佢係歌手。收徒另一重要考慮係對方品格， Cathey好有禮貌，好有心，唔囂。第二次見面，我就決定收佢為徒。」 Paul Lim說。

星途坎坷的梁雨恩，○九年因與經理人鬧意見遭雪藏，她被迫放下歌手身段在街頭賣麵維生。

初出道梁雨恩成續不俗，在商台的頒獎禮獲新力軍銅獎。今日她在鏢界做出更好成績。

針對目標

不過，因為是歌手出身背景，梁雨恩經常在比賽中成為對手針對的目標。「試過幾次對手掟完一局，特登走埋嚟向我咆哮，呢種舉動係想俾壓力我，但我冇俾佢哋兇到。咪當係好勁嘅音樂咁聽囉，繼續冷靜比賽就得。」梁雨恩說。

上週在韓國出席表演賽贏到亞軍的梁雨恩，除了收到表演酬勞，還有數千元獎金落袋。掟鏢搵到食，梁雨恩卻未有打算全身投入，做職業鏢手。「我贏一場飛鏢比賽只得幾千蚊獎金，暫時未可以全職咁做，所以唔會放棄我鍾意嘅唱歌事業。」梁雨恩說。

有過舞台經驗，令梁雨恩每次比賽都應付到臨場壓力，師傅大讚她心理質素比一般選手強。

場地提供： iDarts Air.HK

去年她與師傅於網上跟日本鏢手對決獲勝。之後她在本地表演賽亦贏得個人賽季軍，頻頻攞獎。 Steven亦在隊制賽有獎。

出師有名

梁雨恩飛鏢師傅 Paul Lim是新加坡人。有 38年鏢齡的他， 1990年在世界錦標賽中一舉成名，成全球首位以 9鏢結束 501分取勝，贏得 52,000英鎊獎金的鏢手。過去曾代表巴布亞新幾內亞、新加坡及美國參加國際賽，贏過五個新加坡公開賽冠軍，五個馬來西亞公開實冠軍，五個亞洲盃冠軍及三個太平洋地區冠軍等，是世界級高手。

鍾意就快D Share啦！

下一篇 》