【發哥愛Selfie】周潤發孖嘉玲玩自拍 笑容好燦爛
2014-06-24 00:02:00
發哥嘅笑容真係好燦爛。(微博圖片)
王晶執導嘅《賭城風雲2》最緊開拍中，雖然冇咗杜汶澤同謝霆鋒，但係就搵咗余文樂做發哥周潤發嘅徒弟，而影後劉嘉玲都會演出，飾演發哥情人。
今日喺劉嘉玲嘅微博，就見到佢貼咗幾張相，一張係嘉玲同發哥嘅合照，一張係同葛民輝嘅合照，仲有一張王晶﹑發哥﹑嘉玲﹑葛民輝及劉偉強合照。
嘉玲仲話：「愉快的下雨天，攝影---周潤發」咁即係話張相，係由發哥揸機自拍，發哥影相了得就大家都知，但係估唔到連自拍都難唔到發哥，睇啲相發哥仲笑得好燦爛，睇嚟落雨都唔會影響到佢哋嘅心情。
劉嘉玲喺新戲飾演發哥情人。(微博圖片)
落雨都冇影響佢哋嘅心情。(微博圖片)
葛民輝同嘉玲自拍，但效果冇發哥同嘉玲張自拍咁四正喎﹗(微博圖片)
|
鍾意就快D Share啦！
|
|
|
