【廁格gathering之慾照流出】與羅天宇咀嘴照流出 Coffee激動：遭朋友出賣
2014-06-24 12:57:00
「SING之天使」林芊妤（Coffee）上星期被爆與31歲上市公司達利國際集團有限公司董事林知 譽（Will），喺ifc傷殘人士專用廁所「gathering」半粒鐘，全城熱話。
事後林知譽避走杭州，Coffee雖然鞠躬道歉認錯，但事件觸動大台神經，無綫高層樂易玲曾表示：「成件事好清楚，我唔會姑息，公眾場合做呢樣嘢係唔恰當，不過我會同同事了解佢份合約，先再決定。」
聞到魷魚香嘅Coffee，據悉今日就會返無綫「照肺」，樂易玲噚晚出席活動時，被追問係咪會炒Coffee，佢話公司內部同法律部有共識，又話今次事態嚴重，會聽下Coffee點解釋。
Coffee星途究竟係點就仲未知，不過有關佢「獵仔」嘅報道就未停過。今日有雜誌報道於2009年入行嘅Coffee，除咗冧掂闊少林知譽外，原來亦同唔少小生及幕後爆緋聞。
報道指Coffee入行不久，就同「好鍾意返屋企」前港男羅天宇，因為拍《四葉草》火速撻著，兩人當年仲影咗唔少咀嘴照，除咗Kiss相外，仲有羅天宇瞓覺樣﹑著男友波褲相，以及Coffee大髀疑似咖喱雞照等。
近日呢批陳年親熱照突然流出，Coffee接受該雜誌訪問時就澄清，話係朋友將啲相放上去，又否認自己做新聞搏上位，反而係遭朋友出賣。
Coffee直認同羅天宇拍過拖，兩人係因為各有各忙，而和平分手，不過Coffee表示仍然與天宇保持好朋友關係，關係好似兄妹咁；至於羅媽媽亦力挺Coffee，話佢係一個好女仔。不過呢批相突然流出，唔知Coffee同天宇關係會否有所改變？
而Coffee同天宇戀情告終後，隨即搭上有米奀星潘宗揚拍拖，Coffee就揚言兩人早於去年已經分手，對於廁格男主角林知譽，Coffee話仍有與對方聯絡，佢仲話唔知男方係富二代喎，嗯﹗
有指Coffee今日會返大台照肺。（資料圖片）
（資料圖片）
羅天宇因參選港男而加入娛樂圈。（資料圖片）
羅天宇同Coffee因合作拍劇而撻著，兩人陳年咀嘴亦流出。
Coffee曬右髀疑似咖喱雞。
羅天宇被偷拍瞓覺照。
天宇腿張開食嘢。
Coffee同潘宗揚咀嘴照。
|
鍾意就快D Share啦！
|
|
|
