掃呢頁CODE去手機

2014年6月23日 星期一

狂食熱量超高椰子肉 G.E.M.後悔:神經病啊我﹗ G.E.M.,G.E.M,鄧紫棋,




【新鮮娛頭】狂食熱量超高椰子肉 G.E.M.後悔:神經病啊我﹗

2014-06-23 07:15:00



(微博圖片)

有指鄧紫棋(G.E.M.)喺內地紅爆,獲內地媒體封為香港新天後,不過佢喺內地爆紅後,有內地廣告商及娛樂公司投訴G.E.M.「大頭症」發作,拍廣告及商演更係獅子開大口。

有指G.E.M.接拍商品廣告,由以往不過200萬港元,0依家急升到1000萬人民幣拍一個廣告﹑商演冇100萬人民幣都唔接,仲要投標添,嚇窒唔少廣告商。G.E.M.經理人張丹當然否認傳聞啦﹗

咁G.E.M.又有冇回應呢?微博就未見有回應,但就見到佢繼續更新,前晚佢喺微博貼相,話整天被花包圍,浪漫到死,又笑言自己鍾意呢種死法。

之後G.E.M.身穿吊帶背心,淺露事業線,佢話:「拍攝超時見怪不怪了,只是我明早又要起得非常早。」

至昨日淩晨,G.E.M.又自爆瘀事,佢話原本打算收工後獎勵自己己,就開咗椰皇飲椰子水,佢話:「由於整件事只歷時5分鐘,我覺得不夠像一個獎勵,於是我找來大小湯匙還有菜刀和剪刀,展開了一場椰殼大搏鬥,途中感覺自己像極一個伐木工,幾經辛苦終於40分鐘後,把所有椰子肉吃光。可是吃完又不肯去洗澡,手賤上網查椰子肉的營養價值,結果發現椰子肉熱量超級高,後悔莫及.........天啊,我完全是辛辛苦苦挖了個坑讓自己跳進去....神經病啊我﹗」

到噚晚G.E.M.又更新微博,佢攞住個椰青話:「對於椰子,我是投放了許多的真感情⋯但經過昨晚,我現在只好睹物思人了⋯⋯」



鄧紫棋小背心(微博圖片)



(微博圖片)



G.E.M.自嘲好白癡(微博圖片)



鍾意就快D Share啦!