【短片】無綫播已故「少年廚神」飲食節目 網民斥不尊重死者：拎死人谷收視
2014-07-15 02:30:00
無綫播已故「少年廚神」飲食節目 網民斥不尊重死者：拎死人谷收視
上個月19號疑因投資同賭波失利欠下巨債，被發現喺元朗錦綉花園燒炭自殺嘅少年廚神劉嘉麟（阿B），生前跟黃淑儀（GiGi姐）拍攝飲食節目《吾淑吾食》，噚晚無綫依舊播出有劉嘉麟出鏡嘅第30集《吾》。
不過節目出街後，即時引起網民喺討論區開設：「本人強烈譴責無線（綫）電視台節目『吾淑吾食』」議題，批評無綫唔尊重死者，應該刪掉相關片段或搵其他嘉賓代替嗰Part，亦譴責GiGi姐作為節目主持，應該全力阻止節目出街，另外，網民又認為節目監製竟然拎死人嚟催谷收視，行為無恥到極點。」
相信GiGi姐事前得知劉嘉麟片段會如常播出街，而佢就喺節目尾聲，以聲音講出對劉嘉麟懷念之情，長約一分鐘片段，先係播出劉嘉麟生平，繼而GiGi姐話：「我和劉嘉麟師傅因為拍攝『吾湯吾水』而結緣，相熟的朋友都喚他作阿B。很可惜阿B於較早前離開了我們。在他短暫的三十年生命裏面，為飲食業貢獻良多，備受推崇。作為喜歡下廚的同道中人，我會永遠記得阿B的精湛廚藝。作為長輩，我很捨不得這一位年輕有為的少年廚神。」
少年廚神劉嘉麟上月疑因欠下巨債燒炭亡，不過無綫照播出阿B噚晚有份出鏡《吾淑吾食》，惹嚟網民狂轟唔尊重死者。
（電視圖片）
（電視圖片）
（電視圖片）
（電視圖片）
節目尾聲時，無綫播出劉嘉麟生平。（電視圖片）
再由黃淑儀以聲音講出對劉嘉麟懷念之情。（電視圖片）
（電視圖片）
（電視圖片）
（電視圖片）
（電視圖片）
（電視圖片）
網民開帖譴責無綫唔尊重死者。
|
鍾意就快D Share啦！
|
|
|
