掃呢頁CODE去手機

2014年7月1日 星期二

Coffee想盡快了斷 寸爆樂易玲:不如直接出信﹗ Coffee,樂易玲,林芊妤,




【廁格大戰下場】Coffee想盡快了斷 寸爆樂易玲:不如直接出信﹗

2014-06-30 15:07:00



到底Coffee有冇得留低,星期三就知道。

Coffee林芊妤因為「廁格大戰」而又冇後台冇人撐,所以隨時因為咁而收無綫大信封,無綫高層樂易玲原定於上星期二召見Coffee,不過當日Coffee指自己發燒,所以最終改為嚟緊星期三聽候發落。

據今日雜誌報道,一名無綫工作人員表示樂易玲因呢件事嬲爆:「俾人放飛機,仲要係個二打六,小姐(樂易玲)梗係嬲爆,點知Coffee仲要話:『如果公司決定炒我,不如直接出信,唔使專登再返嚟。』」而聽到Coffee咁講,樂易玲即嬲上加嬲,該工作人員仲話:「小姐講到明唔會就咁算,都會玩嚇佢先。」

報道仲指樂易玲近日以工作忙為由,表示自己有多餘時間先見Coffee,仲叫佢喺屋企等消息。但另一邊廂,樂易玲又借傳媒把口暗示Coffee放料,同舊愛羅天宇啲錫錫相先會流出。

報道仲話Coffee已經對被炒有曬心理準備,而據佢身邊人表示,Coffee現時parttime教瑜伽,份糧係無綫份糧兩三倍,加上有時收到通知要拍劇,但又要hold佢兩三個月期,所以佢覺得俾人炒,都未必係一件壞事。

而Coffee就表示會尊重公司任何決定,仲話公司如果真係想解約,可唔可以就咁send信,話想盡快搞掂件事會好啲咁話喎。



Coffee有曬心理準備,希望盡快搞掂件事



同舊愛羅天宇錫錫相上星期流出



鍾意就快D Share啦!