掃呢頁CODE去手機

2014年7月7日 星期一

離開EXO演女方新片 Kris徐靜蕾爆母子戀 Kris,EXO,徐靜蕾,吳亦凡,




【短片】【動醒晨】離開EXO演女方新片 Kris徐靜蕾爆母子戀

2014-07-07 03:11:00



其他影片:>>






【動醒晨】離開EXO演女方新片 Kris徐靜蕾爆母子戀

韓國男團EXO近月可以話係風波不斷,先有中國籍成員Kris,突然向所屬嘅SM事務所(SM)提出解約,之後有成員伯賢被爆暗撻少女時代隊長泰妍。

有韓國業內人士仲爆料,話Kris搭上台灣歌手黃立行嘅另一半徐靜蕾,疑似指責Kris重色輕友,為女人同錢而背棄兄弟。播出嘅內地綜藝中,EXO成員亦開腔談論Kris離團一事,更有人感觸落淚。

爆料者指,Kris同徐靜蕾拍拖係行內公開嘅秘密,話一開始係徐靜蕾主動接近Kris,雖然徐靜蕾已有黃立行,但最後Kris都係被動搖,決定同徐靜蕾相戀。

目前Kris喺布拉格拍攝由徐靜蕾執導嘅電影《有一個地方只有我們知道》,徐靜蕾仲不時喺微博公開Kris嘅近照,例如上星期就公開Kris玩桌球嘅相。

不過有唔少內地粉絲認為爆料係炒作,事關早前先傳出徐靜蕾與黃立行已經低調結婚,徐靜蕾噚晚亦喺微博作出回應,斥傳聞好無聊:「對於這段緋聞,對韓媒的報導也頗無語,這是個來自國際友人的笑話。」

EXO早前演出內地綜藝《快樂大本營》,喺前晚播出嘅節目中提到Kris離團一事,中國籍成員Lay講到眼濕濕,而另一中國籍成員Tao就一邊聽一邊喊。

前晚EXO喺成都開騷,演唱會結束後,Lay更新微博,寫道:「公司是個好公司,我願意相信公司,會不斷進取、改變。遊戲有遊戲的規則,公司有公司的制度,沒有誰可以做到百分百合拍。」再次為Kris離團一事表明立場,力撐公司。



Lay前晚喺微博力撐公司。







播出嘅內地綜藝中,EXO成員亦開腔談論Kris離團一事,一度感觸落淚。



Kris喺布拉格拍攝由徐靜蕾執導嘅電影《有一個地方只有我們知道》。





徐靜蕾喺微博公開Kris近照。







Tao喺節目因為Kris件事而喊。





徐靜蕾微博新自拍





徐靜蕾與黃立行。





鍾意就快D Share啦!