掃呢頁CODE去手機

2014年8月17日 星期日

林建名認使幾百萬 傲兒BB:從來冇金錢瓜葛 林建名,




【短片】【係咪有誤會?】林建名認使幾百萬 傲兒BB:從來冇金錢瓜葛

2014-08-17 00:11:00



其他影片:>>






【係咪有誤會?】林建名認使幾百萬 傲兒BB:從來冇金錢瓜葛

76歲風流富商林建名媾女過千從未失手,對愛對性都有心有力,估唔到為咗25歲嘅何傲兒動真情兩度公開流淚,令人不禁為大少(即林建名)難過。

不過有$可以解決到好多問題——拿。近日有傳好pure嘅傲兒BB拉攏大少,同曾欠下8位數字巨債嘅65歲父親何世根合作搞時裝生意。又咁啱,有報道指傲兒BB極速結束14日「兒子戀」,並已回歸大少身邊。大少接受本報訪問時,亦直認係同傲兒爸爸合作搞時裝生意,仲話:「唔會係好大投資,幾百萬實要。」莫非行緊外父政策?(新聞連結: http://bit.ly/XomZrX )

但係喎,唔知傲兒BB係咪太Pure,故此今日有報道引述佢喺深情專訪裡面話,總之林生(即係大少)永遠只會係一個佢好尊重嘅長輩,大家根本唔會發展啲乜嘢。傲兒BB仲話,大少同爸爸何世根「從來沒有金錢上瓜葛,沒有用過一分一毫」,更表示唔希望呢啲不實報道沒完沒了。

咦,咁就奇喇。大少自己個版本就話於何世根破產前已開始傾合作,而向本報表示起碼出資幾百萬合夥做生意,但傲兒BB就話冇金錢瓜葛……拿拿拿,究竟係何爸爸瞞住個女同大少「交往」,定係傲兒BB有啲嘢未搞清楚呢…

至於同大少成日出雙入對,被傳是何爸爸精心策劃之傲兒BB育成計劃,令女兒可以躋身上流社會,傲兒BB就表示自己由選港姐入行至今一直都好自愛,而且成日匿埋個殼、甚少交際應酬,而且人言可畏,試過一次同友人去酒店食自助餐但報道出來變成去酒店開房,令佢驚驚。但太收埋自己欠缺社交活動亦令雙親擔心。難怪何爸爸要帶個女入馬場識朋友啦。

傲兒BB仲話,上次同大少一齊睇陳慧嫻演唱會,當日爸爸都在場,傲兒BB覺得完全冇問題囉。

識睇,一定係睇足英台【英波Live】:

http://soccer.appledaily.com

http://bit.ly/engballlive



究竟係有夾份做生意,定係冇?



傲兒BB表示睇演唱會當晚爸爸都在場,佢覺得冇問題。



幸福爸爸



傲兒話佢成日收埋自己,故雙親都好擔心佢。



何世根



鍾意就快D Share啦!