2014年8月17日 星期日

陳智燊宣佈婚期 迎娶宋熙年 宋熙年,陳智燊,

陳智燊宣佈婚期 迎娶宋熙年





其他影片:>>






陳智燊宣佈婚期 迎娶宋熙年

呢頭傲兒BB否認同大佢半個世紀嘅大少林建名發展爺孫戀,另一邊一對璧人——37歲筍盤陳智燊同29
歲宋熙年就宣佈三年後成婚喇!恭喜恭喜!

其實早於今年初,兩人一齊出席活動時,雖尚未公開戀情,但已被視為一對。當時記者問陳智燊計劃何時結婚?佢話:「再過3年啦,37歲,年紀唔輕,要娶老婆。」更問宋熙年:「你Buy唔Buy呀?」女方笑言回家考慮吓。

日前(10號)係熙年BB29歲生日,佢就於微博上貼出兩張唔同年份、但都係同陳智燊共度牛一嘅相,公告戀人身份。翌晨男方亦貼第三張另一年份嘅慶祝生日相,暗示兩人拍拖已經三年,男方更冧爆表示,希望年年都可以同BB慶祝牛一,由冇皺紋慶祝到出晒皺紋為止。好浪漫動人!

昨日就有報道話,37歲嘅陳智燊之前有感於自己仲係新人,事業根基未穩,故暫時將戀情低調,希望大家注意佢嘅幕前演出多啲。但其實佢都好想可以正正常常大方拍拖,同熙年過正常情侶生活,現在公開咗,佢覺得時機正好,並表示有意於40歲迎娶熙年,雙方亦一早已經見過家長,佢仲好淡定咁話,外父外母一關已過,熙年亦已經見過陳智燊雙親,雙方都係傳統之人,一拍即合,OK埋。陳智燊話:「父母對佢印象OK,佢絕對冇可挑剔之處。」

陳智燊謂,佢同熙年BB都係好認真,而且已視對方為拍拖對象,仲話希望可以好似陳豪、茵媺,或者黎耀祥咁,成為圈中模範夫妻。更難得嘅係,fans都好支持佢兩個一齊,陳智燊更笑言,早於佢同熙年BB一齊主持節目嗰陣,已經有fans估到佢兩個拍緊拖,但當時未係時候講而已。



鍾意就快D Share啦!
Related Posts Plugin for WordPress, Blogger...