2014年8月26日星期二

衞蘭海報冇腰變有腰形象指導馬天佑：戴個腰封就得馬天佑,衞蘭,

衞蘭海報冇腰變有腰形象指導馬天佑：戴個腰封就得

2014-08-26 15:54:00

馬天佑（左）指衞蘭呢張個唱海報，唔係執得好多喎。

盧巧音（Candy）、馬天佑、黃泆潼及樂隊Kolor等今日喺中環出席「OFF THE WALL」兩周年活動。

剛剛為黎明完成電影形象指導及張惠妹新碟形象設計嘅馬天佑，早前為衞蘭（Janice）完成演唱會海報。

對於有傳張海報會大執，馬天佑澄清：「Janice張相真係唔係執咗好多，認真，係角度，戴個腰封就得。阿妹之前畀人話執得勁，其實都係個好緊嘅腰封。」

問馬天佑有否關心房祖名柯震東涉毒事件？佢話：「佢係我中學同學，佢好乖、好有禮貌，又照顧我哋。」馬天佑透露上次見面已是兩年前，未有去過房東搞嘅派對。

同場嘅Candy認為減壓不是吸毒嘅藉口，又謂自己最多飲少少清酒減壓。佢透露計劃下年出碟，12月26日將首次與管弦樂團合作舉行音樂會。