掃呢頁CODE去手機

2014年8月12日 星期二

默認戀宋熙年三年 陳智燊晒舊蜜照 宋熙年,陳智燊,

默認戀宋熙年三年 陳智燊晒舊蜜照

大台小生陳智燊同選美出身嘅宋熙年,地下情傳足三年,直到前日女方突然於微博「洩蜜」





其他影片:>>







默認戀宋熙年三年 陳智燊晒舊蜜照
大台小生陳智燊同選美出身嘅宋熙年,地下情傳足三年,直到前日女方突然於微博「洩蜜」,

公開兩張陳智燊同佢慶生嘅甜蜜合照,其中一張相似係舊相,佢哋攬頭攬頸,狀甚sweet;另一張相就應該係噚晚影嘅。呢份宋熙年送俾自己嘅29歲生日禮物,如果冇「男友」陳智燊首肯,又點會公開呢?

不少網民同圈中好友都留言祝福,就連剛為人母嘅麥雅緻仲「逼婚」。咁男方陳智燊呢?點解冇表示0架?其實佢前日已經話,女方既然已經行出第一步,咁作為男士,都要做番啲嘢。咁做番啲乜嘢相應行動呢?原來佢靜靜雞於昨日凌晨,喺微博貼咗張兩人頭貼頭sweet sweet照,寫道:「remember this happy wrinkle free birthday?Happy Birthday!」仲tag埋宋熙年BB個名。呢張相,應該都係舊相。言下之意,陳智燊似是同大家講,佢同宋熙年已經一同度過咗三個生日喇!

昨早熙年即回覆道:「Hahaha...YES!!.....Thank you Mr Chan....but im still wrinkle free」仲貼咗三個舉V勝利手勢添。29歲女仲後生,邊咁易有皺紋0架!

更sweet嘅係,陳智燊亦有轉貼熙年BB前日貼嗰兩張相,回應道:「I look forward to even your wrinkly birthdays [偷笑] happy birthday 」嘩嘩嘩嘩嘩!!!

唔知熙年BB依家個心甜晒之餘,會唔會定番啲呢?


鍾意就快D Share啦!