【再加開一場】周杰倫11月開騷 籲歌迷上演「求婚記」
2014-09-29 17:02:00
亞洲天王周杰倫（周董），將於11月19日至24日喺亞洲博覽館，舉行世界巡迴演唱會，今日周董喺尖沙嘴舉行記者會，並宣佈加開19日1場，合共舉行六場。
上次周董開巡唱，有歌迷在場向女朋友求婚，今次周董同樣呼籲粉絲可以喺佢開騷時，上演「求婚記」，佢笑言：「其他歌迷大可效法，但不要在我唱悲傷情歌時求啊﹗」另外，周董表示今次個唱與對上次喺香港開騷模式一樣，只係服裝上作出改動，佢又自爆近日多練冷門歌曲。
周杰倫將於11月喺亞博開六場個唱。
周董笑言叫歌迷可以喺佢開騷時，上演求婚記。
