李蘊出動玉照陪老友 李蘊,

李蘊出動玉照陪老友

鄧紫棋（G.E.M.）明年將有機會登上太空，身為好姊妹的李蘊也戥她高興，李蘊昨日在電話中說：「我知呀，佢上年已經講過，我知佢好期待呢件事，我都戥佢開心，因為唔係人人都有呢個機會，就算有錢都未必做得到。（佢驚唔驚？）佢唔驚，之前先玩完跳降落傘，佢好大膽o架，乜都夠膽試。」

李蘊（右）替好友G.E.M.有機會上太空開心。（資料圖片）

李蘊笑言要好友拿着她的玉照飛上太空影張相留念，她笑說：「不過佢話喺太空得6、7分鐘好短時間咋。」問若有機會她可想登太空？李蘊表示如果真有上太空機會，她希望邀男友或家人相伴，並笑說：「一個人驚驚地，我唔知個離心力點，應該好快，有人陪自己好啲。」

鍾意就快D Share啦！

下一篇 》